|
|
عضو برونزي
|
|
رقم العضوية : 52479
|
|
الإنتساب : Jul 2010
|
|
المشاركات : 1,359
|
|
بمعدل : 0.26 يوميا
|
|
|
|
|
|
المنتدى :
المنتدى الثقافي
الى باب الحوائج السيده ام البنين (ع) /// ادخل هنا للبركه
بتاريخ : 30-04-2012 الساعة : 06:54 PM
حـوايـجنا حوايـجنا ------- الچ نعرض حوايـجنا
يا أم البنين اليـوم ------ الچ نعرض حوايـجنا
***********************
الچ نـتــوجه بهـل يــوم بگلـبـنـا انــادي وبحسره
لأن عــنــدچ كـرامه وجاه تجـبـرين الگلب كسره
نحلفچ احنه بالكرار بمصابـه ولـوعـة الطــبــــره
ونمشي عليچ نحر حسين وضلع الطاهره الزهره
تخلصينه -- تخلصينه ------- بفضل جاهچ تخلصنه
ننادي وبگلب مالــوم
الچ نعــرض حوايجنا
**************
اجينه الليله نترجه وشرف من عــدنه نـتـرجـــه
لأن ندري اللي يتمسك بمقـامچ بالحشر يـنـجــه
ولأن للباري نعرف زين مشيتي بشرعه وبنهجه
كـرامه الـثـار أولادچ يطــالــب بــاچـــر الحــجـه
تحفظينه -- تحفظينه ----- اذا ننخه تحفظينه
بكرامة جاهچ المعلوم
الچ نعـــرض حوايجنا
**************
الچ هاي الگلوب الـيـوم تنخاچ بصدى المـدمــع
بالمجلس حـوايجـنـا تگضي ابلحـظــة الـنـطــلـع
الدمع يتشرف وممنون بحضرتچ كل وكت يركع
لـذلـك احـنــه نتشرف مـنــچ كـل وكــت نـطـمــع
تعـينينه -- تعـينينه ----- بحوايجنا تعـينـيـنـه
لأن مثل الجبل الهموم
الچ نعـــرض حوايجنا
****************
الحوايچ محنة المظلوم والچ هاللـيـله نعـرضها
الوكت جرد علينه أسيوف علينه وگوه أفرضها
نريد احنه حوايجــنـا بحـضرتــچ كلها ننـفـضها
وكرامه الأسمچ الباري عـلـيـنه ينعـم أيـفـضـها
تسجلينه -- تسجلينه ----- خدم عندچ تسجلينه
لأن عون انتي للمظلوم
الچ نعــرض حـــوايجنا
*************
الحوايج عـدنه من تصعب نصر وعليها نتحمل
عـليها معـودين احـنـه نـقـره الـفـاتحه وتسهـل
الطلب والحاجه تگضيها ابــد مالحـظـه تـتأجـل
لذلك احـنـه منعــوفـچ ومـنـچ كـلـشـي نـتـقـبـل
تسندينه -- تسندينه ----- اذا طحنه تسندينه
لأن حبچ فرض مقسوم
الچ نعــرض حوايجـنـا
****************
خادمكم
رياض الرسل
| |
|
|
|
|
|
العرض العادي
