[آمال يوسف]

من عند زينب عليها السلام
من عبير النياحة والبكاء
من الشام الحبيبه التي طهرها الله بكعبة المصائب
والله لن ولم انساكم كتبت (اصدقائي بالفيس) ورميتها في الشباك
ولكن....
عندما رأيت الشباك المقدس للسيده زينب عليها السلام
قلت....................
..........................
اكعدت يم كبر زينب كعدت المشتاك
وحجيت وياها جلمه جانت ابالي

كلت عباس .. واشعر بيها ياناس
(كامت من كبرها وكعدت اكبالي)

الحمد لله اوصلتلي بالسلامه تكول
(هله بريحة اخيّي الغايب الغالي)

دكلي اشلون ابوفاضل اشلونه حسين؟
وشلون المخيم .. كلي ظل خالي

واشلون الجفوف اشلونه ذاك الجود؟
شلونه التل لهسه بكربله عالي؟

اويلي شكد فُرحت بجيّة الخدام
من ازمان وحدي وانحب الحالي

آه شكد احبكم لمن تكولون
آيحسين ومصابه بدمع هالي

مرت فتره بس صوت انفجار وخوف
واسمعها الشتايم وانه ما بالي

آنه الهظم كلبي الكتب عالحيطان
ممنوعه الزياره وراد ترحالي

واحد كال ارحلي وما تظلين
(حكهم هيجي كالو ما الي والي
.................
كأنما ما كتبته هو واقع تركتها وانتقلت
واجبت مولاتي.. بهذه الابيات
................................
توسلت بكفيلج وانتي تدرين
اليتعنه لكفيلج ما يرده

اتوفق اجي يازينب هنا
وما قصر الماخاب اليكصده

(اجيتج من طرف عباس عناي)
اشوفه ساكت وحاجاني زنده

(سلملي اعله زينب كالي هواي)
وكلها كافلج باقي اعله وعده

جبتلج جود .. بس مابيه كل ماي
اترست جوده بدمع عينه التبده

(زينب. آنه يوميه اويه عباس)
وعلى حالج احس دمعه اعله خده

احسه يكول روح لزينب وكول
كفيلج عالكفاله باقي بعده

ما يبقه ضريحج خالي والله
كفيلج ابوفاضل واحنه جنده

وين الموت اجينه نشتري الموت
كبرج هذا وينه اليدنه حده

وين الكال ارحلي ما تظلين
اعله خشم الموت اجيناج انتحده

ممنوعه الزياره ياهو الكال
نكص لسان ابو ولسان جده

زينب انتي زينب غيرة الله
وهوَّ الما ينصرج غيره عنده؟

(كالو موت دربج صحنه خنموت)
هيه الروح وحده وموته وحده
...
هودج جبنه .. يلاّ ويانه تمشين؟
هناك بكربله كبرج نشيده

يم عباس نرفعلج منارات
واذانج (آه يازينب) نخلده

اجه كل العراق يصيح خدام
عراقي وعنده غيره ومن يرده

واجاج الكربلائي مطلك الكون
يهتف ياحسين ويوفي عهده

للمهدي نوجّه دعوه هاليوم
خل يشوفنه وجرحه نشده

لسلامة عمره ننطي كل الاعمار
وصلاة اعلى النبي ونتاني وعده
..........
خادمكم
للشاعر كرار حسين الكربلائي
ابو كميل

[جعفر المندلاوي]

دكلي اشلون ابوفاضل اشلونه حسين؟
وشلون المخيم .. كلي ظل خالي

واشلون الجفوف اشلونه ذاك الجود؟
شلونه التل لهسه بكربله عالي؟

اويلي شكد فُرحت بجيّة الخدام
من ازمان وحدي وانحب الحالي

آه شكد احبكم لمن تكولون
آيحسين ومصابه بدمع هالي
---------
يم عباس نرفعلج منارات
واذانج (آه يازينب) نخلده

اجه كل العراق يصيح خدام
عراقي وعنده غيره ومن يرده

========

إي كرار سمعّها انتِ تبقين === تاج الشام والدنيا والاسلام
واشحده اليصل اهنا هيهات === لو انموت كلنا واحنا خدام
خدامج يزينب جينا حرّاس === وعيون العراق عليج متنام
لا تكولين وحدي والكفيل هناك == عراق حسين كله وياج للشام
27-5-2513
كتبتها وانا اقرا قصيدتك المشجية يا اخي كرار ربي يحفظك
وبارك الله فيك يا آمال على النقل المبارك
ويجعلكما وايانا من شفعاء زينب

[عبدالله خلف العتابي]

السلام عليكم
طيب الله انفاسك الزكيه
وجزاك الله خيرا
صغيرك
العتابي

[آمال يوسف]

بسم الله الرحمن الرحيم
وصل اللهم على محمد وآله الطيبين الطاهرين

جزيل شكري ووافر امتناني لحضوركم
الاكثر من رائع

دمتم محفوفين بالعناية الالهية