سلام عليكم (اشكركم وابشركم بأني قد زرت العراق آخيراً !!!))
بتاريخ : 15-03-2011 الساعة : 08:25 AM
بسم الله الرحمن الرحيم
الحمد لله رب العالمين والصلاة والسلام على النبي الأمين وآله الطاهرين
السلام عليكم جميعاً ورحمة الله تعالى وبركاته
أعرف بنفسي :اني بنتُ علي (عاشقة نصر الله ) عضوة قديمة من سنة 2006
شحوالكم وشخباركم ؟
المهم واني ابحث في قوقل بين وقت والثاني احب اقرأ بعض مواضيعي القديمة من قصائد وخواطر وغيرها فكنت ابحث ولقيت المنتدى دخلت وماادري انه منتدى اناشيعي واذا به يفتح :confused:!!!
قلت غريبة لانه دائما محجوب :cool:
قلت فرصة ادخل اسلم على الاعضاء واقول ليهم :
الف الف الف شكر لكل من دعا لي دعوة صادقة بأن أوفق لزيارة العراق
فقد تشرفت هذه السنة وفي الاربعين بزيارة العراق ولله الحمد
رحت كربلاء ورحت النجف ورحت بغداد وسامراء
واستانست هناك وعشت اجمل اللحظات
طبعا كربلاء تشرح الصدر بشكل موطبيعي ماتتخيلوه
الحمدلله شاركنا في موكب القطيف ليلة الاربعين ,,
وشفنا معجزة عند الامام الحسين عليه السلام
عاد احنا ماندري وشوصاير بس ناس متجمعة ,,فسمعت وحدة عراقية تقول : هذي بنيه مكَرمه وكَامت !!!
مافهمت وشو معنى مكَرمه ..بس من السياق فهمت انها ماتمشي ومشت الحمدلله
وقفنا اللي تصيح واللي مذهولة واللي تدعي ...الخ
_-------------_
النجف دخلتها واني مستانسة تقولوا بنية صغيرة شايفة ابوها بعد سفرطويل وتبغاه يحضنها :rolleyes:
من اهم الاحداث اني بليلة من الليالي اضطريت اطلع من الحرام لوحدي واروح للفندق ..وضيعت الطريق
والنجف ظلمة شوي وتخوف بس ماخفت لاني عند حامي الجار
وبعدين رجعت للحرم وسألت الرجال اللي قاعد عند احد البوابات وماقصر دلاني ع الطريق رحم الله والديه
_----------------_
بغداد لمن رحتها وشفت الجنود وممنوع التصوير وغيره وغيره لعنت امريكا واتباعها وقلت حسبنا الله ونعم الوكيل ...
_---------------_
سامراء شفت فيها الفاجعة وهيه ان المراقد لحد الان لازالت تبنى ! ولازالت اثار التفجير موجودة
وشفنا مكان انفجار ...
وبعدين في طريق العودة شفنا انفجار طازج بس الحمدلله هو صار وبعدين مرينا وشفنا النار ومااتوقع في ناس الحمدلله
طبعا سامراء في طريقنا الها صار موقف اكشن ...خلونا ننزل علشان التفتيش
ولاني كنت تعبانة وزهقانة من طول المشوار لما نزلنا استانست لان صار شوي تغيير
طبعا يمكن الوحيدة اني اللي استانست لان الكل كان خايف وزهقان ينزل ويقول :بيضيع الوقت ومادري وشو
_---------------------------_
مااقدر اوصف شعوري هناك واكيد اللي يعرفوا بنت علي يعرفوا اشكثر كنت مشتاقة لزيارة العراق واشكثر احب العراق ...
الحين قلبي مشتاق اكثر من قبل ...
اتمنى ان الكل يكون بخير ...
دعيت ليكم هناك ..لاني اساسا كلما دعيت اذكر اعضاء المنتديات اللي اني مشاركة فيها
فيعني اذكركم كل يوم ... واتمنى تذكروني بخير وتدعوا لي وكنت بسألكم براءة الذمة قبل لااسافر بس ماصار هالشي فاني الحين اسألكم براءة الذمة وتدعوا لي لاني ناوية ع الحج ان شاء الله
نسألكم الدعاء ...
تحياتي :
أختكم بنتُ علي
________________________
((( أمانة أمانة أمانة ,,ياأهالي العراق واللي يروح العراق يدعي لي ارجع وازور ويدعي لي هناك دعاء صادق .... )))
____________
اخبركم عن العراقيين ولالا ؟!!!
العراقيين شيعة عجيبين ...احنا وين وهم وين ؟؟؟!!!!
موقف واحد اقوله واخليكم تنذهلوا !
ليلة الاربعين واحد يقول ولده كان يطبخ اكل علشان يوزعه على الزوار على حب الحسين عليه السلام ..القدر كبير وحار انكب على الولد واحترق جسمه !
فكان يطلب الدعاء من الزوار ليلتها
نتمنى له الشفاء ...
اول ماوصلنا جو بسرعة ووزعوا علينا الشاي
ورحبوا فينا
شفناهم يمشوا في البرد ....
وكان البرد شديد
نزلنا ساعة وحدة علشان الصلاة وماتحملنا الجو وهم كانوا يمشوا بالايام !
فكنت اطلب منهم الدعاء ...لانهم بالفعل اهل لان يستجاب لهم
تمنيت اكون مع المشاية بس مانقدر لان وقت رحلتنا محدود طبعا كم يوم وراجعين
نسألكم الدعاء ياشيعة العراق ونسأل الله ان يفرج عن العراق وكل الامة الاسلامية والمستضعفين في العالم بتعجيل فرج من به فرجنا وهو مولانا صاحب الزمان أرواحنا لتراب مقدمه الفداء عليه وعلى ابائه افضل الصلاة وازكى التسليم )))
وعليكم السلام والتحيه والإكرام ورحمة الله وبركاته,,
الحمد لله عالسلامه
و
زيارة مقبوله بعد عمري إن شاء الله
وأخيرا تحقق حلمج
الحمد لله والشكر لله
والله بقوه فرحت انج زرتي العراق
بس زعلت لانج ماخبرتينا
ليش هيج عشوقه ليش
حبيبة قلبي وحشتينا بقوه وينج من زمان ماكو بأنا شيعي,,,
اتمنى يرجع تواجدج ويانا ونتواصل وياج اكثر من قبل,,
وماتغطي في سبات عميق وتقطعي قطعاتج المعتاده ...
موفقه حبيبتي وإن شاء الله نسمع بيج حجيه هذي السنه
خلينا نشوفج امانه ,,
اكيد ماعرفتيني لاني غيرت اسمي
اني العلويه: خادمة السيد الفالي,,
اهلا زهراء واهلا بجميع الاخوات ...الله يرزقنا ويرزقكم الزيارة والعود ثم العود ثم العود ثم العود ...........
شقوليكم بس ؟ الاحساس عجيب اني زرت معشوقي مولاي امير المؤمنين عليه السلام ...لما وصلت صاروا البنات يقولوا لي :هاوصلتي لارض المعشوق الاكبر قولي لنا كيف شعورك ؟؟ قلت لهم مااقدر اقوله ولااكتبه ...بس احسه
مشكورين والله يجمعنا واياكم في الجنة مع محمد وآل محمد صلى الله عليه وآله
سلام عليكم (اشكركم وابشركم بأني قد زرت العراق آخيراً !!!))
العرض العادي
