[واثق العيساوي]

(( حمامات الدمع))



حاير يا حسين شاكتب وضلـــــــيت
ساكت واللسان احتار شيكــلك
سرك مو سهل حتى اني اسولف بيه
تمر بيك السنين ومحد يحـــلك
موشرط اليشوفك كون عندة عيون
بس عيون كلبه مفتحة يوصلك
ميشوف القلم,حس بالقصيدة عليك
على دروب الدفاتر راح واندلك
عكس كل البشر بجيت (طه)بــيوم
ميلادك اجة وعيونة يجرنلـــك
دمع ضل بالمهد ضميته للطف ماي
لذلك أي عطش ما جان يوصلك
شفت الماي ذل مادنكت للــــــماي
شلت راسك عطش بس كون ميذلك
وانت الكوثر امك لوردت يحسين
تشيل جفوف ايديك انهار تــــــنزلك
تودي دموع عينك كون يفتهموك
من عيون النبال ســــــــهام ردنلك
وعطشان اشتكالك من ضماه السيف
رويته بدمائك موت قدمـــــــــــــلك
حمامات الدمع فوك بسمة الوجنات
وصلن مصرعك وجروح عدلــــــك
فين عالجسد بجناحــــــهن مولاي
وعلى كد الجروح دموع صبنــــلك

راسك عالرمح ويفيي عالايتـــــام
صعد قرص الشمس بس ما مسح ضــلك
نعم فوك الرمح بس غيرة تنضح بيه
مال على الحرم بس التعب شـــــــلك
مال وماوكع....... مايوكع وعباس
نخه جفوفه القطيعة وكام عدلـــــــك
على راس المجد مو عالرمح مرفوع
وشفافك حكم وايات يقرنــــــــــــــلك
اذن في كربله لازم نزل جبريل
اذا ماجان نازل بـــــــيش نزلنـــلك
وعلى باب الفرح وكفت الروح تريد
تنزع كل ذنبهه وشوك تدخــــــــلك
ملت كل عشك بس لو كلت يحسين
تذكر هواك ...وتعجز تــمــــــــــلك




((واثق العيساوي))

[زكي الياسري]

الله الله الله

كم اشتقت الى هذا القلم

يا شاعرنا الكبير

اقسم عليك بحق كل حرف في هذه الرائعه

ان لا تحرمني من قرائة المزيد من ابداعك

تحياتي الخالصه مصحوبه بدعواتي لك بالتوفيق و السداد في هذا الدرب

زكي

[عاشقة النجف]

اقتباس :

حمامات الدمع فوك بسمة الوجنات وصلن مصرعك وجروح عدلــــــك فين عالجسد بجناحــــــهن مولاي وعلى كد الجروح دموع صبنــــلك

قوافي الشعر تنعى الحسين فاه لقلب زينب ..
حروف اكثر من رائعه اخي واثق
بارك الله بك وسدد المولى خطاك
اتمنى ان ارى لكم المزيد فتتحفونا باجمل مالديكم ..

موفقين

[ربيبة الزهـراء]

طيب الله انفاسكم اخى الكريم
نثر كلمات رائعه حقاً ,,

بارك الله بيكً

[واثق العيساوي]

اقتباس : المشاركة الأصلية كتبت بواسطة زكي الياسري [ مشاهدة المشاركة ]

الله الله الله كم اشتقت الى هذا القلم يا شاعرنا الكبير اقسم عليك بحق كل حرف في هذه الرائعه ان لا تحرمني من قرائة المزيد من ابداعك تحياتي الخالصه مصحوبه بدعواتي لك بالتوفيق و السداد في هذا الدرب زكي

لست بكبير امام جبلكم الاشم ...لك مني تحيات على قدر حبي واحترامي لكم...

[واثق العيساوي]

اقتباس : المشاركة الأصلية كتبت بواسطة عاشقة النجف [ مشاهدة المشاركة ]

قوافي الشعر تنعى الحسين فاه لقلب زينب .. حروف اكثر من رائعه اخي واثق بارك الله بك وسدد المولى خطاك اتمنى ان ارى لكم المزيد فتتحفونا باجمل مالديكم .. موفقين

شكرا لك اختي الكريمه تحياتي لكم ولمروركم المبارك

[واثق العيساوي]

اقتباس : المشاركة الأصلية كتبت بواسطة ربيبة الزهـراء [ مشاهدة المشاركة ]

طيب الله انفاسكم اخى الكريم نثر كلمات رائعه حقاً ,, بارك الله بيكً

وطيب الله انفاسكم الكريمه شكرا لروعه مروركم

[غزل السلامي]

[واثق العيساوي]

[QUOTE=غزل السلامي;1048823][/Q



شكرا لك اختي العزيزة...