[عاشقة_السيد_القبانجي]

خايف من أموت أشلون أدبرها!؟



على افراگ الاهل لو علْ أجه أيجرها



اشوف وچني اشوف اهلي بعَويل اتصيح



واشوفن كل اخت تٍصفج خواصرها



اويلي آصياحن چَن خيل هَدت ليل



وعلى صدري بَركْ مَغْلب حِوافرها



لحَدْ ماخِسف وتساوهَ آعله َوجْه الگاع



مثل راس الرواسي اتزلزل وذرها



هاي اتصيح اخوي وهَوتْ فوگي اتنوح؟



ذيچ اتصيح يبني وعَبره تجْغَرها



وحده آگبال وحده وبينهن ممدود



كل وحده آبمصيبه الموت يخزرها



اعاين والدموع اتحجرت بالعين



ولا يمنه وشمال اگدر اغيرها



جمدت ثلجه عيني والزلال ادموع



وكفر بيَّ الصياح وأذني فجرها



چن عاصف هوا وبطلت اسمع دوم



صنطه الدنيا صارت وأمري حيرها



مابياش اگوم وبيه اعزي الناس



ولابياش احچي حته اصبرها



انا بياحال وانا امجبل اعله الموت



وعزراييل حازب روحي يعصرها



حيره امحيره وطاحت ابين اثنين



واحد يلهي واحد بالرحي ايفرها



وصلت للتراقي الله واكبر عاد



وعلى صدري گعد سلطانّ آمرها



مد چفه اعله روحي وحيل شد الروح



جرها من الخشم والنوب غرغرها



خشب صارت شجرتي وكل ورگها انباگ



ونجار المنايا يريد ينجرها



شفت رجليَّ صارن مدري صارن وين



مثل گصبات والحدار ينحرها



وبعد لازال گاعد يمي عزراييل



يجر باخر نفس والروح يظهرها



اغظ عيني چذب بس لا اصد اعليه



اخافن من اشوفه يگوم يخزرها



علي يابا الحسن داخل بسدك گوم



الملچ ماط اللثام وكشف منظرها



دخيلك ياعلي ماينحمل هالشوف



سبحان الاله الخلق مصدرها



رعب ماينوصف حتى بفلام الموت



خمش روحي وجلدها گشور گشرها



متت بس ماخلص ثگل العذاب اوياي



لباب المغتسل وداني منكرها



يذب الماي بس جلدي كفر بالماي



چن تيزاب نگاط اليگطرها



تسرفنلي المغيسل چنه يطلب ثار



ينّزعني الثياب وآنا استرها



وِأنا من طولي اخجل واستحي من الناس



وثوبي من الفشل يكرف دوايرها



ذراعه اينگط وكل گطره هودج نار



انز واجفل واشوط أواگع واعصرها



اخذ مقياس طولي وبده ايگص الخام



لَبَسني وسترني وشدشد احبرها



شيلو صاح شيلو الله جلَ الله



والوادم مشت واشكال منظرها



اجو ساعة السوده ومن اجه الدفان



حازب بالكرك والگاع يحفرها



اجه امشچل احزامه وكال احفروا اهنا



فرك بيده واجه الذرعان سافرها



چنه امضيع الكنز ولگاه بالگاع



ويعبي السلال اتراب ويذرها



حفر وسط الگبر شبرين لحدي وصاح



نزلوه اعله راسه وشمر مشمرها



خنگني اترابهم عود انا اگول احباب



من كل صوب طگ الراس مثْوَرها



شفت الدود متحظر يريد ايهيج



يغازل عيني حتى يگوم ينخرها



صحت الله واكبر والتراب ايهيل



لحد مامنخري ظل ينگط أبدرها



باگو ليلهم والصوت باگه الريح



خلوني ومشو والخوف ينطرها



راحو عني راحو والظلام انشال



بس اطلال والكل صار هاجرها



گعد مگبل نكير وفوگه منكر گام



ينشدني السنين اشلون مخبرها



ونكير يسجل وبيده القلم غضبان



يراويني ويگَّلب اوراق دفترها



منو ربك ؟نبيك؟من امامك چان؟



گبال العين كل العندي صورها



گظَيت العمربيمن نشدني وگام



وعَليي ضاعت يحيدر كل معا ذرها



شني عذري؟وشگله؟وعمري مخطف صار



چن ليل وشهر فرن مفاررها



خطف راحن اسنيني ابحلك رحى ادور



تلهيها السنين وهالرحي اتفرها



چن باب انطبگ وانفتح لحظه الباب



وآنا اتفكر ومحتاري حيرها



باچر شرد اجاوب بالحشر لو صار



واحس بالنار تلهب والگبر حرها



باچر شرد اسولف وانا كلي ذنوب



وين انطي الوجه لوشفت محشرها



ولي هالنار خالقها الجليل بنار



انا المذنب واليه النار كورها



صحت وينك يداحي الباب عني اليوم



وين البشدايد چان يحظرها



وينك ياعلي تلتفت ليه النوب



تره غيرك چذب محد يدبرها



علي اتلاحگ الي منكر حسابه احساب



امشي اعليك بنت المصطفى استرها



علي ياعلي وصوتي الگبر هزه وطاح



تره وصلت بعد بس لاتاخرها



انا محسوب خادمكم يداحي الباب



انت التشهد ويشهدلي منبرها



انا ما يوم عنكم قصرت والله



انا المايوم عنكم روحي اغيرها



لحظه ولنه فوگي المصطفى المختار



وحيدر والحسن وحسين حاظرها



صاح احسين شيل ايدك يمنكر گوم



هذا حسابه عندي وانا باصرها



خادم هذا الي وانا اشتريته اليوم



وبدمي اشتريته وسال منحرها



انا المعروف عني الشيعتي مذخور



والهم هالشفاعه اليوم ذاخرها




يمنكر لليحبني اوكف محامي اليوم




وانت التعرف انت وزين خابرها



خله يصير جنه وماتظللم دوم



والخدامي آنه الظلمه انورها



والخدامي آنه الظلمه انورها

[نسايم]

اللهم صل على محمد وال محمد وعجل فرجهم وفرجنا بهم

أبيات حزينة جداً

أحسنتِ الاختيار أختي الكريمة

دمتِ بولاء الأطهار ...