[السلام على شبر وشبير]

السلام عليكم ورحمة الله وبركاته


يا اخي اسمحي لي ان اخذ من وقتك .
انا اشعر بان عين صابتني . ( ابتلكم بالعاميه عشان اقدر اوصل لك الكلام )

انا طالبة في الثنوي وفي اول ترم اخذت نسبة عالية مرة ومن بعدها وحالي تغير . سرت مالي نفس اروح المدرسة ولا اذاكر ولا افتح كتاب واحد . ومجرد ما افتح كتاب وابدا مذاكرة يصيبني نعاس رهيب رغم اني اكون صاحية من النوم . يعني انام فترة طويلة 10 -9 ساعات واصحى للمذاكرة بس ما كاني نمت اول ما ابدا مذاكرة يصيبني نعاس شديد لدرجة اني مااقدر اركز في الكلام واذا بديت اردد واحفظ ولا كاني حفظت انسى بسرعة وفي البداية كنت احس ان الكلام يتحرك وانا اقرأ من شدت النعاس . واذا جيت احل في الاختبار ما اتذكر ولا كلمة . والله اني ما كنت انسى بس الان انسى كثير مرة . لدرجة اذا احد قلي كلام ثاني يوم احتمال كبير انسى ايش قال بالضبط . مع العلم ان ظهرت هذي الاعراض علي وقرأت انها اعراض الاصابة بالعين أو النفس ( برودة الاصابع مع حرارة في وسط الكف _ الآم أسفل الظهر _ نعاس شديد وقت المذاكرة _ نسيان بدرجة كبيرة _ صداع في نهاية الرأس) الله يوفقك اذا عندك خبرة او علم او تعرف احد ممكن ترد لي هل انا مصابة بالعين او النفس ؟ واذا كنت مصابة هل اقدر ارقي نفسي ؟ وكيف طريقة الرقية ؟ ولا ضروري تكون الرقية على يد احد غيري ؟ علما باني اجد حرج شديد في اخبار اهلي بالموضوع , اضافة بانهم يقولولي انتي موسوسة . ارجوك اذا تعرف علاج العين بالقران وطب أهل البيت عليهم السلام ارجوك تساعدني . لان نفسيتي للاسف كل مالها تسوء بسبب مستواي الدراسي النازل . ارجو اني احصل الجواب عندك

[نجف الخير]

السلام عليكم

اقرأي سور القلاقل الاربعة وهي قل هو الله احد وقل يا ايها الكافرون وقل اعوذ برب الناس وقل اعوذ برب الفلق
وهناك امور كثيرة لدفع الحسد في كتاب مفاتيح الجنان والكتاب الملحق به وهو الباقيات الصالحات

وقاكم الله وجميع شيعة اهل البيت عليهم السلام من الحسد

دمتم بود