[احمد العراقي]

[align=center]السلام عليكم

كل عام وانتم بخير

هذه القصيدة كتبتها ليلة العيد تصور حالة الطفل العراقي الجريح بيوم العيد


العيد والطفل العراقي


فرحانه الاطفال بجيتك يا عيد = ولهلـت هلالـك غدت منتظره


هذا مكيف بقمصان يوم العيد = وهذا الي يبدل كل وكت ستره



بس طفل العراق بجيتك حزنان = دمعاتـه بعيونه وكلبه بيـه حسره



طفلنه ما عرف طعم الفرح يا عيد = مـن اول حياته منكسر ظهـره



كـدامه يشوف اخوانه متوذرين = وسيف الدهـر ركز طعنته بصدره



بيـده يخلي امه واخته بالتابـوت = ومن زغـره يوسد والـده بكبره



بعد كـل هذا يفرح بيك يا عيد = وبضحكه تريده يبتسم ثغــره



كلي شلون يضحك والكلب مجروح = وبالعدلـه ابد ما يوم جـر دهره



عكس جره الزمان وزاد جرحه غماك= او لو شافه ابتسم يتحزم يكـدره



طفلنه بالمهـد راضع حزن يا عيد = ومـن جور الزمن شيب انمله شعره



بشنهو عايدت طفل العراق اليوم = بسيارة قتل....لو عبوة منفجره



جر حسره طويلة وجاوباني وكال = لاجل طفل العراق اعلكهن العشره



بس ما اريد دمعاته اعلى خده تسيل = ومن دون الخلك ضحكاته مندثره


وعليكم السلام ورحمة الله وبركاته[/align]

[ربيبة الزهـراء]

الف شكر لك يا احمد العراقي
انت يا طفل العراقي اكول لك كل عام و انت بالف خير

[احمد العراقي]

السلام عليكم

اختي الفاضلة ربيبة الزهراء

شكراً جزيلاً لكم على مروركم العطر وتواصلكم الجميل

بارك الله بكم ووفقكم لكل خير

وعليكم السلام ورحمة الله وبركاته