[أمل هارون]

بعد ان تقرؤا هذه القصيدة اجيبوني عن هذا السؤال:
هل تستحق الام العراقية كل هذا المرار والضيم
عفيه أمي اشكثر شافت مرارة وضيم

عفية امي شكثر شافت مراره و ضيم
ياما تحملت لوعه بلياليها
ولا عمري شفتها ارتاحت بفد يوم
تعبانه الدمع و الهم يسليها
كبرنا و عوض الله و صرنا عندها ارجال
همنا شلون بيش الام نجازيها
نذب الثوب لسود منها نص الليل
و نفز الصبح نلقاه مغطيها
سمعنا الصوت يندب وينكم لولاد
دعوة من الوطن لازم نلبيها
و مشينا و ودعتنا امنا بظلام الليل
او وصتنا جفوف الطغى و نلويها
و لويناهم لوي الاخر دمع بالعين
هنياله الوقع و الذمته باريها
و خويه اول الناس استشهدوا عالكاع
بالدم كتب كلمه يذوب قاريها
يا يمه بسعفه كضت نارهم باليل
و بدمي اركضت عالنار اطفيها
نعاوي امي تبجي الكاع و الصوبين
و هذا انا اعترف ابجي النعاويها
نعاوي امي خناجر بالضلوع احا
يوميه الصبح اسمع بواجيها
عليمن يمه كافي اصار صار او راح
دمسحي دمعتج يا يمه مسحيها
خطيه مكابله الصورة على خويه تنوح
و جن الصورة تحجي و جن تحاجيها
اغافلها و اشيلن صورته من البيت
و وصيهم بعد لحد يحاجيها
و بوك الروح بوكه واشتغل بالطين
بالحي مدرسة لازم نعليها
وارد امن الشغل واسمع بواجي و نوح
واتحذر وطب و مدده القيها
وعلق صورته بجفي على وجه الدار
ويرد البيت يضوي من اخليها
وترد امي البجيها اردود و يردن نواعيها
وترد امي البجيها اردود وانا اسمع نعاويها
تقلي شلون شاعر طاوعتك ايد
حسبالي العراق انباك ليش الصورة تخفيها
و تعدت سنه و سنتين و جنت ادري البجي للعين يعميها
و عمت امي
وظل ابني الزغير حسين من تمشي يدليها
علمته الوطن ياهو و علمته الشعب ياهو
وظل مثل الطفل يمه يسميها
تسولف له قصص و تعلمه عالديوان
وتصعده الفرس و تقله مش بيها
تقله الكاع كاعك و النخل ينخاك
وابن امه و بطل كلمن يحاميها
و طلب منها تسولف عالمضى و الجان
عن عمه خذته امواج جاريها
عن ذاك العراقي الما قبل تنباك كيعان العراق و كل سواجيها
و ترد امي بواجي تفزز الميتين
ويردن امكابر كل نعاويها
يمه القنبله ما بترت رجليه
هو انفجر يمها و بتر رجليها

[حيدر الحسناوي]

الله اكبر الله اكبر الله اكبر .......

أحسنتم أختي على النقل الموفق والاختيار الجيد وان دل يدل على تذوقكم للشعر

ولاسيما الشعر العراقي الشعبي الذي يعطي صور يقف إمامها الشعر الفصيح عاجز

اتمنا لكم بالموفقة

[عاشقة الاطهار]

سلمت يداك على النقل وصح لسان قائلها
هل تستحق الام العراقية كل هذا المرار والضيم؟؟؟؟؟
وهل ستجدين احد يقول لك انها تستحق العذاب عزيزتي
اذهب الله عنهم كل آلم وعذاب ونشر بينهم الأمن والأمان
تحياتي لك

[خادمة الشيخ المهاجر]

بسم الله الرحمن الرحيم
الحمد لله الذي جَعَلَ الْحَمْدَ مفْتَاح اًلذِكْرِهِ وَخَلَقَ الأشْيَاءَ نَاطِقَةً بحَمْدِه وَشُكرِهِ
وَالصَّلاةُ وَالسَّلامُ عَلى نَبِيِّهِ مُحَمَّدالْمُشتَقِّ اسْمُهُ مِنْ اسْمِهِ الْمحْمُود
ِوَعَلى آلهِ الطَّاهِرينَ أُولِي الْمَكارِمِ وَالْجُوِد

السلام عليكم ورحمة الله وبركاته
أخيه أمل هارون أين أنتم عن خادمة الشيخ قد أشتاقت لكم
أما بخصوص القصيدة التي نقلتموها فهي أكثر من كلمة رائعة ومحفوظة عندي بصوت الشاعر الذي تضيف شجوا أكثر على أناته ودمعاته وتنهده بالقصيدة
يصور لنا أحوال الأم العـراقية التي بعد التربية والمعاناة تحيا لتكون ثكلى لأولاد قد سطروا معنى التضحية والإيثار
موفقة لكل خير واحسنتم كثيرا

ودمتم برعاية بقية الله الأعظم

[مشاعر شيعية]

السلام عليكم ورحمة الله وبركاته
مشكورة اختي امل على المشاركة الحلوة فعلا قصيدة مؤثرة
سلمت يدك وصح لسان قائلها
وسلامي لكل اعضاء منتدى انا شيعي
ومع السلامة

[العشق السرمدي]

اشكرك اختي العزيزة قصيدة جميلة لكن صدقي اني لم اكملها لاني تألمت جدا
وهاجت بي الاحزان والالالم
اللهم فرج عن عراقنا الجريح

[نور المستوحشين]

رائعة جدا أختي ... وكما اعتدنا ع القصائد العراقية الرائعة التي تحمل


شجون مختلف يحكي واقع مؤلم



تحياتي نور...