|
|
شيعي حسيني
|
|
رقم العضوية : 10716
|
|
الإنتساب : Oct 2007
|
|
المشاركات : 21,590
|
|
بمعدل : 3.45 يوميا
|
|
|
|
|
|
المنتدى :
المنتدى الثقافي
حكايتي منذ الصغر مع صدام ...
بتاريخ : 27-01-2008 الساعة : 01:04 AM
بعد السلام والتحية والاكرام ...
بدون أي مقدمات أحكي لكم كيف تعرفت على صدام خخخخخ
من وانا صغيرة أسمع جدتي تقول نذر علي إذا مات صدام بسوي كذا وبسوي كذا
والكل يدعي معاها ويقول لها الله يحقق ونسوي اللي مايستوي ...
المهم كبرت شوي وبدأت عندي ميول لقرائة الروايات والقصص .. اعطاني ابوي
روايات بنت الهدى ( وبجهالة مني كنت دائمة التعليق على اسم بنت الهدى لأنه
وحدة من خالاتي اسمها هدى فكنت احط بنت قبل اسم اي خالة عندي ) وبعد ماعرفت
شنو صار لها والسبب صدام بدأت استوعب كلام جدتي.. وبعدها صرت اسمع قصص
صدام وكنت دايما أقول قدام جدتي اني احبه وهذا شخصية قوية في العالم واذا
طلع في التلفزيون اقول لها شوفي كيف بطل و و وكانت تعصب علي بعض الاحيان
وتسكت عني في الاحيان الاخرى...
وكلكم عارف بموضوع صدام والكويت و و و وكيف استعدادات الاهل للكيماوي و و و
وبعدها مسرحيات الكويت على صدام وهذي الشخصية في راسي ليش وليش
الى هذي الدرجة في قلب مثل قلبه ...
ومرت الايام لين ما كتب الله لنا بزيارة الحسين قبل سقوط بغداد بكم شهر
وكانت التوصيات من امي وابوي (احنا بنروح العراق بس ماتتكلمو عن صدام ترى
ترى الشرطة ياخذو ابوكم ولا تشوفو صوره وتتكلمو و و و ) وبعد هالتوصيات وصلنا
أرض العراق وحنا خايفين وطبعا مافي شارع ولا مبنى ولا الا وصورة صدام أو تمثال
موجود وحنا مكتومين مافي تعلييق خايفين على ابونا ...
شفت حال العراقيين وكيف حياتهم والفقر وكيف بعيوني اطفال مايمين على الارض
من غير ملابس ساترة تغطيهم بالكامل ... طبعا من السبب صدام
صدام ... صدام ... وبعدين ويا صدام شنو هذا
وسبحان الله في نفس السنة اللي رحت فيها العراق تم الا حتلال وسقط صدام
طبعا هذا كله ببركة زيارتي ... كنت أقول الى أبوي هذي اقل من شهر رحنا وطيحنا
صدام كيف لو ظلينا أكثر شنو راح يصير...
وللمصادفة المضحكة مع صدام كان اليوم اللي صادوا الفار صدام كان في واحد مزعج
يدق على جوالي وانا ما ارد عليه في النهاية استسلم ورسل لي رسالة يقول فيها
انا حاب اتعرف عليك بمناسبة سقوط صدام انتي ماتتابعي اخبار...
سبحان الله صدام بعد ...
ومرت الايام واحنا نتابع التلفزيون ونشوف محاكمة صدام والجرايم والسجون اللي
كان السبب الرئيسي فيها صدام ...
الين صادفت ليلة عيد الاضحى من السنة الماضية ... كنا واقفين الوقوف الاطراري
بمزدلفة واذا بالشيخ اللي كان معانا ياخذ الميكرفون ويقول انا راح ابشركم بشارة
بكرة الصباح راح يتم اعدام صدام ... مااستوعبت الموضوع شنو يعني..
وضحو لي السالفة مادري ليش ضحكت وقلت جملة قامو يضحكوا عليها ..
أقول لهم بكرة اعدام صدام وبكرة يذبحوا الاضاحي .. يعني صدام مع خرفانا
بس مالي شغل راس صدام في نفس وقت خروفي اني ...
وقامو يضحكوا ويقولوا لي مكرم خروفش عنه ...
بس المصادفة صدام مع خروفي ...( ذكرت حزتها جدتي والخروف اللي ناوية
تذبحه وتوزعه اذا مات صدام ..الله يرحمها )
عشان كذا أقول الى اهلي وصاحباتي حجتي ماراح تتكرر ولو تحجوا مئة حجة
ماراح يتكرر مثل اللي صار وياي...
وهاليومين فكرة زيارة الاربعين في بالي وامي مو راضية تقول الدنيا مو امان
اقول لها شوفي اني رحت وراح صدام وراي الحين اذا رحت أمريكا راح تطلع تطلع
أدعوا لي بالتوفيق بزيارة الحسين ...
أختكم نور..
| |
|
|
|
|
|
العرض العادي
