انا مسافر مع الدنيا ولا ادري وين تاليها ** ولا ادري وين تبحر بي في هالمره مراكبها
نعم قالوا يا ابن ادم تحرص من بلاويها ** ترى احسن تهملها وعن دربك تجنبها
وانا واعي شنو باكر وشنهو لو اخاويها ** وانا عارف يا كثر الي تجرح من مخالبها
باخليها على الراحه وانا صادق باخليها ** مع اني داري عنها كل سواياها وعذاربها
لاسايرها وامدحها وباحلى كلمه اغليها ** وافهمها انا الي كم تمنى بس ي**بها
وانا والله ما ودي في كل شي اني اجاريها ** واحاول اكتم العبره وابين اني صاحبها
يا ليت القاها ذاك اليوم وابرد حرتي فيها ** واعلمها شنو الانسان اذا عزم يحاربها
عسى ما ارجع لماضيها ولا اتبع خطاويها ** ولا ارفض اذا قالوا ما كنت اغلى حبايبها
واذا حجت حجايجها انا اول من يبديها ** ولا اقدر اضيع اي فرصه كنت حاسبها
خلاص اليوم من حقي وترفع لي اياديها ** حلفت بالله وحق الله لاعلمها وادبها
هذاك اول تمشيني وجا دوري امشيها ** وقالوا ميزة الشاطر يضحك في عواقبها
*********************************************
أريد رايكم يا شباب في القصيده بكل صراحه
أختكم قووووت القلووووب
العرض العادي
