[ميثم عبد الامير]

الدنيه حــــــــــامي الحمه ماغرته بمالها
لايــــــــــــــوم كلبه هوه الها اوفلا مالها
ابمظهرها ماخدعته اوعن دينه ابد مالها
امن الأزل راعي الشيم خــوانه بيها علم
الله يصهر النبي اشتملك شجاعه او علم
يبقه اعله صرح المجد اسمك يحيدر علم
اليا سبب اهــــل الرده اعليه حاقده مالها
   
ياصاحـــــب الراي رايك بالعدل حكمه
ولــــــــــسانك ابشين ابد لاتطلقه حكمه
للناس خـــــــــليك واعظ ونطق ابحكمه
لاحظ امامك علي اشكد منصف اوعادل
ياصـــــــــــــاح للمايله جفه صبح عادل
بالـــــخندق ابضربته الجن اوانس عادل
التزم نهج الوصي وتــــــمسك ابحكمته
   
مـــــن كثر ظيم الدهر روحي ركد حالها
وايامي ياابا الـــــحسن حال الحزن حالها
اجــــــدامي ليك اعتنت وبحظرتك حالها
الكل شيعي امره صعب منك اريد الفرج
خنياب بـــحر الكرم فاض ابظفافك فرج
يامن فقارك غـــضب لعداك زلزل فرج
جــــم عكده جم معضله انته الذي حالها
   
فــــــــــن واحد امن العده يمه تدنه اوصل
ابفقاره حـــــــامي الحمه خله جثثهه وصل
ياصاح والي الوصي البالخيف ليث وصل
هـــــــــذا الامين النزل واهبط على منزله
والغيره بارى النسم هــــــذا الفضل منزله
والي يوده اعتقد تـــــــــــــصبح اله منزله
للجنه يوم الــــــــحشر ينطيك بيدك وصل

[rafedy]

[نزار الفرج]

بسم الله الرحمن الرحيم
موالات رائعة
تقبل مودتي ودعائي