[خالد محمد مهدي]

(( احقاد السقيفه))
**----------------------**
أجت عالدار احقاد السقيفه ** جابت نار بجفوف الخليفه
بعد بالاول وثاني ** بيهم يارجه أنتاني
*---------------------------------------*
المنافق من تأمنــــــــه طبعه خوّان الأمانــه
اذا واعد وعـــد أخلف عُمره ماوفّه بزمانــه
والجذب عنده ســـجيّه وشيمته غدر وخيانه
بطن السقيفه جابتــــــــه
بصدر الضغينه رضعته
للغدر يصلح شافتـــــــه ** أتسلّط بكرسي المهانه
نسه أسم النبي ودينه وشرعه ** ألأصله رجع من حارب البضعه
تنادي هاي أحزاني** بيهم يارجه أنتاني
*---------------------------------------*
افته ألأول بدعه صارت خنجر بظهــــــــر النبوَّه
أخذ منها فــدك حقده بكلب خالي من المروَّه
شلون منّه هبل يوكع والمناة كبالـــــــه تهوه
الراد السياسه مو شرع
بالله أســـــــلك هم ورع
وبتدت تضحكله الربــع ** واللزجيه الدمع سلوه
على أم الحسن يحسب الدمعات **بدمعهه والحزن فرحت الشمّات
حرامي الشيخ علماني ** بيهم يارجه أنتاني
**************
للحقيقه وجـــه واحــــد مثل عيـــن الشمس وضحه
أشتروا أقــــــــلام كتبت من اليريد الذلَّــــــــه ربحه
الزهره بالأحزان خطَّت رفض للباطــــــــل تفضحه
لمن وصل باب الشرف
أم الحسن بمهه عرف
الفرح من عدهه خطف ** يلَّه خل نفتح الصفحه
اليوم نريد نعرفهه الحقيقه ** نعرف عدو طه من صديقه
اليئآذي البضعه آذّاني** بيهم يارجه أنتاني
**---------------------------------**
هيج جازوا نبي الأمَّه هاي حاله من ألف حاله
خانوا بكــــــل الوَصايه غيِّروا الديـــــن وجماله
عذِّبـــوا بضعة الهادي أم أبيها والرســـــــــــاله
زمرة بغض ألهــا لفت
بالحَمِل كامت مادرت
والغدر بســماره نبت ** بالضلع أكبر دَلاله
موشيمة عرب عدهم حميَّه ** حقدهم الكسر ضلع الزجيه
بألمهه ظلَّت أتعاني ** بيهم يارجه أنتاني
*---------------------------------------*
أرعن أو ملَّكتـــــه سلطه ياكـل اللحمه وعظمهه
بنــــار حقده الباب وجهه أو فاطمه بجفّه لطمهه
بعــــد ماصوَّب ضلعهه بعصرت الباب وهظمهه
جانوا يسمّونه الرعــن
ماعنده حكمه ولافطن
لمَّن نطق كلمـــة وأن ** أتأكد أو سبب أمهه
عمر بحقاده خرَّب ماعمرها ** كسر ضلع الرساله بنص صدره
الحزن والدمع عنواني ** بيهم يارجه أنتاني
*---------------------------------------*
المصيبه
ظلَّمت الدنيه علينـــــــه ** يوم وافتـــــــــهه المنيّه
من الضلع مالومه راحت ** الليله من عدنه الزجيه
والحسن وحسين يمهه **وزينب أو راعي الحميه
وسط الكلب نــار وقهر
اللهُ أكبــــــــــــــر يادهر
يم الحسن طـــــال السفر
والجـــرح بالكلب أستقر** بهل المسيَّه وكل مسيَّه

[عدنان منعم]

اللهم صل على محمد وال محمد اسئل الله التوفيق بحق الحسين ابدعت استاذنه

[حسين ال دخيل]

السلام عليكم ورحمة الله وبركاته
طيب الله انفاسك ايها المبدع
احسنت جزيت خيرا.... بارك الله فيك

[خالد محمد مهدي]

أخواني وأساتذتي
دمتم ودام فيض مروركم الذي يشرفني ويسعدني
شكرا \\ممنون