[الشاعر سعيد الفتلاوي]

قصيدة / حزنانه زينب نادتك
.....................................
..............................



حزنانه زينب نادتك
يا خويه هاليوم انعاك

مفجوعه تنعه بْحضرتك
وتْنادي يحسين فْداك

.......................

مالومه ياخويه صْبحت - شف دمعي من هالآهات
وْكل ليلي مُر وْما نمت - وَحدي وْچيثره اللوعات
عن بالي ابدن ما رِحت - لحظه وْ تِمِر ما انساك

.....................

وبْكربله صار الوعد - حرگتنه نار الاحقاد
وحدي وْ غريبه بْلا سند - راح الولي والاولاد
وْحتى الرضيع البالمهد - اختلطت دمائه وْ يَدْماك

....................

عندك علم بينه وْ تِحس - يا بو الوفه يا عباس
خيتك وَناديك بْنَفِس - مهمومه يا بو النوماس
وَاشكيلك افعال الرِجِس - هاليوم اَشكي وْ انخاك

....................

اشبال وَ ْاَكبرهم علي - من بعده قاسم رجواي
بعد الحبايب من الي - لامهجه عندي وْ لاراي
راحو اِخُوتي وْ كِل هلي - بَاهاتنَا ناديناك

....................

جيتك وخِبرك هالخبر - بْموتت رقيه اسرار
بموتتها هالگلب انعصر - مالومه يا بو الْاحرار
فگدك رِماها والدهر - ماتت حزينه الفرگاك

.....................

بهاي المصايب والحزن - نْكتبَت علينه الاحزان
وحدي وْ غريبه بالمدن - تفرجت علينه البلدان
ياخويه وعْليكم اَوِن - وِرْوَيحِتي تْريد وياك


.....................................
.....................................

خادم اهل البيت ( ع )
الشاعر
سعيد الفتلاوي الطويرجاوي

[اهات الروح]

رائعه جدا سلمت الانامل

بارك الله فيكم وبالتوفيق ان شاء الله

[عبدالله خلف العتابي]

السلام عليكم
المبدع سعيد الفتلاوي
رائع وبارك الله فيك
ومحروس من كل سوء
بحق الحسين(ع)
تلميذك المبتدا
عبدالله العتابي

[الشاعر سعيد الفتلاوي]

شكرا لكم وفقكم الله