[ابو معاد النجفي]

صال مسلم عالعده بالكوفه
مثل حيدر صولته معروفه

مثل حيدر من نزل عالمعتدين
مايهاب الموت ابن المرسلين
هذا ابو الكلفات عزمه مايلين
وابد مايعرف تراهه الخوفه

هذا جده اللي حمه عرش الرسول
وعمه داحي الباب والعمه البتول
ساعة الشدات لو كام ويصول
اتكول ابو الحسينين يوم اتشوفه

فرت الفرسان يوم اللي دخل
حملت الكرار ساعته حمل
الحاربه مدحور والسالم ختل
بجفن سفيه للرده ايدوفه

سمع صوت اتكله طوعه يالولي
انخه ابو الحسنين همك ينجلي
صيح انته بصوت وتنخه بعلي
واليندبه بشدته ميعوفه

طاعن الفرسان لعنان السماء
وماجت الكاع ابزلمه من البلاء
ويسمع التكبير ويصيح النداء
ويسمع الصوت وعيونه اتشوفه

بالزلم صارت الركضه والنجاة
وصارت الجيمان جمع من الشتات
من وكف مسلم وبيوم الثباة
فرق الجيمان شل اصفوفه

خططو خطه رهيب وبالشرك
وتالي بالحفره من طاح وبرك
اتوسط الميدان ابدا ماترك
وياصليل الصار من اسيوفه

مايهاب الموت ليث المرسلين
عارف بملسم من دزه الحسين
انت مني مثل حيدر للامين
وغيرتك للناس هالموصوفه

خادم اهل البيت
ابو علي ألسعيدي