[عاصف الخزرجي]

شوكت واحد هالعراق انشوفه
وثوبنا الممزوك يمته نروفه
والركع متفيد وي ثوب العتيك
حلها بس انبدله وانعوفه
*****
آنا واحد رايد يبدل العراق
من بعد ما تعب من شغل الرفاق
والسياسيين أهل جذب ونفاق
ركاب من قوت الشعب معلوفه
****
نعم حبل الجذب ميطول وكصير
ونظل ننطرهم على فراش وحصير
نلملم حبال الجذب حتما تصير
مشنقة وبركابهم ملفوفه
****
راح مال الشعب بجيوب اللصوص
والقوانين اصبحت بس النصوص
ولو سالته يجاوب بهذا الخصوص
تخر نعم بس ما اظن مزروفه!

تخر نعم بس ما اظن مزروفه!

[البدري14]

استاذي العزيز عاصف والله هيه اعتقد
ما مزروفه بس صايره غربيل
والله يعين الناس
-----
كيفنا من راح البعث كلنا الاجوا منا بعد
تبينوا منهم بالاصل بس جونا جمالة عدد
الجان كاعد انجطل والجان كايم هم كعد
حالة شعبنا تعذبك حالة غريبه هالبلد
-----
تقبل مروري بود

[عاصف الخزرجي]

اقتباس : المشاركة الأصلية كتبت بواسطة البدري14 [ مشاهدة المشاركة ]

استاذي العزيز عاصف والله هيه اعتقد ما مزروفه بس صايره غربيل والله يعين الناس ----- كيفنا من راح البعث كلنا الاجوا منا بعد تبينوا منهم بالاصل بس جونا جمالة عدد الجان كاعد انجطل والجان كايم هم كعد حالة شعبنا تعذبك حالة غريبه هالبلد ----- تقبل مروري بود

اشكر مرورك استاذي البدري 14
يا بدر اربعطعش المنتدى الذي ينير ليالينا ألقا

[ابوتكتم الخير]

كل عام وأنتم تحت ظل ولاية علي
عاصف الخزرجي نسأل الله أن يكون قريبا ماتربو أليه
آخيتك في الله صاحبتك في الله
تحت ولاية أمير المؤمنين
ودي

[عاصف الخزرجي]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

كل عام وأنتم تحت ظل ولاية علي عاصف الخزرجي نسأل الله أن يكون قريبا ماتربو أليه آخيتك في الله صاحبتك في الله تحت ولاية أمير المؤمنين ودي

أهلا بالأخ الحبيب ابو تكتم
أشكر مرورك المعطر بالولاية العلوية