[زكي الياسري]

من روائع حبيبنا الشاعر السيد سعد الذبحاوي حفظه الله تعالى

تگدر ابدنيــــاك ما تصبـــــــح فقير
و تگدر اتعيــــــش العُمر أكبر ثري

بس تِطبّق شـــــــرط واحد مو چثير
بس تِگول امن النبـــــي و ألله بري

بس عليك اتبيــــــــع لعداك الضمير
و اعله اهل البيــت تحچي و تفتري

باطِنك باطن عُمَـــــــــــر لازم يصير
و ظاهرك شيعي و موالي و جعفري

تفتي تگدر حتـّه تتنصّــــــــب وزير
و للضمير المات تگــــــــدر تشتري

و تگدر اتغيّر أحاديـــــــــــث الغدير
و تفتي فتوة أبو موســــى الاشعري

***

للعجل من تسجــــــــد ايعّينوك امير
لون ربّك صار عجـــــــــل السامري

هذا صوت الذي ما بـــــــاع الضمير
و غير حب ام الحســـــن ما يشتري

باجر الي ضدها بيمـــــــــن يستجير
جلده باچر و الله يهرونــــــــه هري

عسل عدوانك تره سم و زحيـــــــــر
بالك اتضوگه تره مر و شــــــــــري

ولو حبنـه ابظـــــــاهره مر و عسير
هنـي لاچــــــــــن يا مواليها و مري

أغنياء ابحبهــــــــــــــا ما النه نظير
و خل يضدها العايـــز و يصبح ثري

حظك و حظـــــــــــي ابولايتها وفير
امسجّل ابدفتــــــــــرك ظل و دفتري

هاي بهجة گلــُــــــب هادينه البشير
ابضامرك مكتــوب حبها و ضامري

باچر ابداً بالحشـــــــــــر لا ما نِحير
ناظرك هيّه تســـــــــــــرّه و ناظري

إحنه طينه انعجنــــــت ابماي الغدير
إمن الطفوف امكوّنـــه و مـن الغري


بقلم الشاعر الكبير المبدع السيد سعد ابن السيد موسى الذبحاوي الحُسيني

[مصحح المسار]

إحنه طينه انعجنــــــت ابماي الغدير
إمن الطفوف امكوّنـــه و مـن الغري


*******
قصيدة جميلة
بارك الله بناظمها وناقلها
وهما سيدان جليلان
السيد سعد الذبحاوي
السيد زكي الياسري
رزقنا الله شفاعة جدهــما
وابنته وابن عمه وأولادهما
آمين يارب العالمين

[زكي الياسري]

حياك الله ايها الحبيب ابو عبد الله مصحح المسار
اسعدني مرورك
و دعائك يا نقي

[كريم السعبري]

مولاي الياسري السلام عليكم
احسنت الاختيار وموفق
خادمك السعبري

[زكي الياسري]

حياكم الله سيدنا الحبيب
و بيّاكم

تقبَّل خالص دعائي

[ابوتكتم الخير]

أحسنت
سيدنا الياسريعلى هذا النقل الرائع

موفق

[زكي الياسري]

حيا الله تاج راسي ابو تكتم الخير
الخير و البركة بوجودكم هنا مولاي العزيز

[سفينة البحار]

وفقت ايها العزيز
ايها السيد زكي الياسري
فيما نقلت من ابداع السيد سعد الذبحاوي
جعلها الله في ميزان حسناتكم
ورزقنا واياكم شفاعة المصطفى وآله

[زكي الياسري]

حياك الله يا شاعرنا العزيز سفينة البحار
اشتقت لك كثيراً

لا اراكَ الله مكروهاً