[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ألهـــج إبأسمــــك علـــي
ــــــــــــــــــــــــــــــــــــــــــــ
آني واولادي إو هلي === ألهج إبأسمك علي
ـــــــ
ياعلي مولاي واسع == بحـــرك إو ما ينْعُبر
لو أظل أسبح وأغوصن == مـــــــا أصل طول العمر
ما أصل معشار عُشرك == ياشفيعــــــي بالحشـــــر
بس طمع عندي إو أريدن == ياعلـــــي منّــــك أجـــــر
بيك همّي ينجلـــــي == وألهج إبأسمك علي
ـــــ
بس إلَك تحله الوصايه == ياوصي الأعظـــم نبــي
ياإبن عمّه إو مُعينـه == ياعلــي إنتَ الأبـــي
بيك أسرار الأمامـــه == ناكرك باغي إو غبي
من إله الكون عزّك == والقديـــر اليجتبـــــــي
بس مُحبّك يعتلــــي == وألهج إبأسمك علي
ـــــ
ياعلي إنتَ شفيعي == بالحشر وإنتَ الأمل
بالحشر تختم جوازي == ياعلـــــي خيــر العمل
ما أظل عطشان ظامي == لـــو غـــداً صار الأجل
لو يصيب الضيم روحي == أﮔصــــدك وأنسَـــه العلل
إنتَ مولاي الولــي == وألهج إبأسمك علي
ـــــ
إنطه أحمد راية العز == للوصي ســـار إو طلع
وإنفتح بــــاب الأراذل == نور حيدر من سطع
من وضع حيدر يمينه == بـــاب خيبــــــــر إنقلع
هزّه وإنهزّت منايــــا == مرحب الباغي إنصرع
كل بغيهم ينولـــــي == وألهج إبأسمك علي
ــــ
وإبدر حيــــدر تبسّــــم == صار موت إعلى الكفر
يحصد الكفّار ما فر == يفني كُل فارس يمر
من لهيب الحق لفاهم == موت من سيفه اليطر
ينصر الحق إو يقيمه == واﻟﮔلــــــب أحمد يسر
إنتَ روحي إو منهلي == وألهــــج إبأسمك علي
ـــــ
حيدره الأيمان كُلــــّه == من شهر سيفه الأشم
والشرك إنهار كُلّــه == من طُبر عمر الأغَم
ﺣﮔــي لو أﻋﺷﮓ ولينه == مو أبـــــــو إحسين العلم
خل يكرهوني النواصب == ما يهمنـــــــي أهل العتم
ﮔلبي بالحب مِنْملي == وألهـج إبأسمك علي
ـــــــــ
إبتدى بالبيت عمره == وإنختـــم بأطهر مكان
من نزل سيف الرزايا == خضّبَـــــه بعـــــــد الأذان
وإنمله عمره فضايل == حـــار بأحسانه الزمان
ظل أبو الحسنيين رايه == ما نصـــــــت بيها الأمان
والأعادي تغتلـــــي == وألهج إبأسمك علي
ــــــــــــــــــــــــــــــــــــــــــــــــــ ـــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld36p49914.mp3.html