نادا قرءانك يحيدر .... بعدك الأيتام تُقهر
انت والد كل يتيم ....وللكتاب انت الكليم
بعدك الايتام تقهر
طبــرتك حيـدر بعدهـــا .... عالقهر ضلت يتــامــــة
وانت يالوالــي ابــوهـــا .... بلسم وطيب وسـلامـــة
صورة مرسومة بعمرهم .... انت الها احلى ابتسامـة
تدري هالليلــة بغيــابك .... بلاية عش حتى الحمامـة
انت بيت المالة احد ....وانت قلهُ الله احد
هذا مكتوب وتقدر ....بعدك الايتام تُقهر
ياعلي ينعة اعلى جرحك ....... حتى بيت الله وكتابة
والجدار بدمــــــه ينزف ......... هدم الكعبة المصابـة
وعينك انت الغمضتهـا ......... للعرش سدتلة بابــة
والصراط بجف مصــابك ........ تتلي من الدم خضابة
وصوت شك سكف السمة ..... من طبر حامي الحمة
ورتل الدم بسمة كبر ...بعدك الايتام تقهر
لابس اســــود طر فجرنه .... والشمس ضلت حزينه
مكَبعـــه بثـــوب الليالي ....والصبح غمضها عينـه
لسه صوت الكعبه يندب .... ولســــه يجدد ونينـــه
والدليــــل مــن الولادة .... ياعلي انطرلك جبينـه
من الحزن فجر دمعته ..... رف جنح جبريل سكته
ونادا صوت اللهُ اكبر ..... بعدك الايتام تقهر
الدنية من شافت خضابك .....طاح يا حيدر ســترهــــا
بدمك اتلـــون سـمـــاها .... ورسمت من الحد صورها
دنكَـت عيـــن العدالــــة .... والهدى اركانه طبرهــــا
وستــرت الدمعه العقيلة .... الحرة زينب من صبرها
واتله جبرائيل ايه ....هدمو ركن الهدايه
والعرش لجلك تطبر ..... بعدك الايتام تقهر
للحسن وحسين صــورة .... انرسمت بجف المنية
دمعة زرعوها ابعمرهم ... خضرت ضلع الزجية
بسملة وناطق صداهــا .... خطها رب هاي البرية
عاليتاما يوحي بعـدك .... تبقى مفقودة الهوية
الجانت اتبات ابحنانـك .... اتيتمت ياسر زمانك
وربك باياته فسر .... بعدك الايتام تقهر
خادم اهل البيت ع
الأقل
احمد رفيش
للكتاب انت الكليم .... ليلة استشهاد الامام علي ع .... احمد رفيش
العرض العادي
