[خادمة الحجه عج]

؛؛ ما نسيــتــــك ؛؛
لملميتك يا ندى مبعثر على الوردات
وي طرت الفجر خايف لكيتك

ولملميتك صفنة صفنة وذكرى ذكرى
ودمعة دمعةوكبريتك

وجيتك اتهجى الحروف العشك مثل الاطفال

وصرت تقرة ..... صرت تقرة
واني صـــــــار سنين احاول ما قريتك

وكالو بعد متخضر بقلبك محبتي
جيت اناغيلك شعر مسگي بدموعي وخضريتك

وشلتك بروحي عطش كل هالسنين
وانت تغرك بالعسل كــد مـــا رويتك

وعصرت كل عطر البروحي الك بثنين ادية
وجيت يمك عطريتك

وجنت اكل للنـــــاس غركني بحنانة
وهمة بعيوني لكــودمهة اذيتـــك

وما نسيتك .....

هي هاي المشكلة التاكل بروحي
اني ناسي وجوه ناسي

الا انت ما نسيتك .....

وية عمري الكاك تمشي
أمبسمر بجفني ويةرمشي
شرد اكلك وانت كلشي

انت فرحي الما لكاني وما لكيتك
وهسة وينك ...... هسة وينـــــك

مو خلص عمري اعاين على دروب *بيهه اتنطريتك

وهسة وينك

كالو با اخر الدنيا باجر تشوفة

جيت امشي ..... وصرت ازحف
وصلت ميت واعتنيتك

وكسرت خاطر العالم بجو من كثرمتوسليتك

ليش يا قلبي تضل هيجي على نيتك
وكلي منواليتحمل هسة خطيتك

اه يالخلوك وحدك
وانعرف للناس صيتك

واه يالمختنك دومك
والهوة مادخل ريتك

اي شجاني .... اي شجاني
بماي حبهم جبته بيدية سكيــتك

ليش صدكت الشمس باجر
تدك الباب واضوي على بيتك

وليش صدكت الحجي الجذاب من كالو
نطش اعمارنا ورود لمشيتــك

اليمتة يا كلبي تظل
هيجي على نيتك

[ابوتكتم الخير]

حسنت خادمة الحجه على هذا النقل الرائع
إنهامن روائع المبدع الشاعر حازم جابر
لك كل الود

[كريم السعبري]

خادمة الحجه السلام عليكم
خادمة الحجه ------؟
السعبري

[عدنان منعم]

بحق من كتبت لهو الابيات ان يمن عليك برفعة الراس وخدمة الحسين وال البيت

[خادمة الحجه عج]

لكم مني جميعا اجمل التحايا والسلام لطيب مروركم والله شرفتوني ونورتوا صفحتي المتواضعه نوركم اذاب قلمي فلم يستطع ان يخط لكم الا الشكر والثناء متم وسلمتم وبوركتم احبتي هديتي لكم هذه الابيات بحق امير اتقى علي عليه السلام لتكون في ميزان حسناتكم

عجيبة شلون ما تنكَلب دنيانة؟
وعجيبة الكاع ما هليوم تتفجـر؟
وبيت الله عجيبة...بمولد الكرار
ينطر الجدار...وموته ما ينطر؟
وعجيبة الناس ضلت باقية وللحين
لا حل الغضب لا ساعة المحشـر؟
اشكَد الدنيا وكحة وما تحب الزين
تحب بس ألهواها وبالعجل ينغـر!
وجبـريل ابمجانــة الآذن وكبــر..
صاح الله واكبر يا اله الكون
غدروا بالإمام المرتضى حيدر..
ساجد بالصلاة يتعبد الرحمن
وابن ملجم غدر صاباه وتكَنطر!
راد أيكَوم ياشيعة وكَع عالكَاع
يا وسفه علي الكرار ما يكَدر؟
دعووووووووووووواتكم