[ابو ياسر الكعبي]

من وزن الشموس

ذوب ياگلبي وتفطـَّرلاتضل محتار


صيح ياموسى ابن جعفرجَتْلَك الزوّار


***


ذوب ياگلبي إبحنانك إبچي دمع البيك


صيح ياموسى ابن جعفر سيّدي لبيك


بدمّي وبروحي وكياني وبْمُهِجْتي أفديك


مسكنك قلعة غرامي والضلوع أسوار


***


يالهيامك في إمامك بالعشگ موصوف


ترجم اعهود المحبه وبإمامك طوف


إتغذّت بشريان دمّك للعقيده سيوف


وفاضت إبْمنحر ولاءك للعقيده أسرار


***

صيح ياباب الحوائج جيت إلك مَشّاي


عِلِّتي يمَّك دواها وإنته كل رجواي


ياطبيب الشيعـه بس عندك يِصح إدواي


يالعَطيّاتك على الوادم تفيض أنهار


***


طِـلْبِـتي يمَّك يبوطِلْـبَه وإجيت أنخاك


يلّـي حـتّه إعداك شـاملها بكـرم يمناك


حاشه تطـردني وترجِّـع طِلْـبِتي حاشاك


وآنـه إلك مَـدّيت إديَّـه والدموع اعبار


***


جيت مـشّاي النُصرتك مـا أرد هيهـات


گلبي مشغوف إبْمَحبتك يسبُگ الخطوات


ويه كل خطـوه أنادي وتعتلـي الصيحات


إلك يـاموسـى إبنَ جعـفـرتهتف الـثوّار


***


صيح ياباب الحوائج جتلك الوفّاد


اتطوف شبّاچك ومن چفّك تريد امراد


انته رجواها وسندها يا أسد بغداد


واگفه اعيون إعله بابك والدموع إعبار


***


بالگلب عشگك تربّع يطوي بينه ادروب


وشوگنه يحدي ابهوانه والتحثنه اگلوب


إسمك ابجبهة شرفنه وعالعقل مكتوب


جينه إلك يابو الجواد وكلنه إلك أنصار


***


الكعبي

[طيار عراقي]

عظم الله اجركم
اقتبست احدى اشعارك كرساله تعزيه للأصدقاء
مع تعديل بسيط حذف كلمة وبكياني اتمنى ان تجيزوني

ذوب ياگلبي إبحنانك إبچي دمع البيك


صيح ياموسى ابن جعفر سيّدي لبيك


بدمّي وروحي وبْمُهِجْتي أفديك


مسكنك قلعة غرامي والضلوع أسوار

[ابوتكتم الخير]

أبو ياسر الكعبي
مرحى لهذا البوح الولائي
عظم الله لك الأجر وشفع لك بحق موسى الأمام عليه السلام
موفق

[محمد السراي]

قصيدة رائعة وجميلة اخي ابو ياسر
بارك الله بك وجزاك الله خير الجزاء
تحياتي

[احمد آل مسيلم]

الكعبي القدير...
من الروائع .... اشعر بكل حرف تكتبه
وكأنه يخرج من بين أغشية القلب
وهذا سر الروعة
دعائي

[طريقي زينبي]

اللهم صل على محمد وآل محمد وعجل فرجهم الشريف
قصيدة روعة_______________تقبلوا مروري--------------عاشقة صوت الرادود اباذر الحلواجي

[ابو ياسر الكعبي]

اقتباس : المشاركة الأصلية كتبت بواسطة طيار عراقي [ مشاهدة المشاركة ]

عظم الله اجركم اقتبست احدى اشعارك كرساله تعزيه للأصدقاء مع تعديل بسيط حذف كلمة وبكياني اتمنى ان تجيزوني

الأخ الفاضل طيار عراقي

حياك الله وسدد خطاك

إقتبس ماشئت.
أما ماتسميه تعديلا !! بحذفك كلمة ... هو ليس بتعدليل إنما يُعد إنكسارا وخروجا عن تفعيلة الوزن؟؟؟

وفقك الله اخي الكريم

[ابو ياسر الكعبي]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

أبو ياسر الكعبي مرحى لهذا البوح الولائي عظم الله لك الأجر وشفع لك بحق موسى الأمام عليه السلام موفق

العزيز أبا تكتم

ممتن لهطولك الذي انار متصفحي

أنالنا الله وإيّاكم شفاعة الامام موسى ابن جعفر عليه السلام

أسألك الدعاء والزيارة

[نرجس*]

اللهم صلِ على محمد و آل محمد


عظم الله أجوركم يا موالين

جميل جداً تسلم الايادي

[ابو ياسر الكعبي]

الكريم محمد السراي

ابقاك الله وسدد خطاك
دعواتي لك بكل التوفيق