[كريم السعبري]

فاهم انته وعيب يقبلهه الكفيل
بلايه راس حسين واخته مجتفه
هو ابو الكلفات ابن حامي الدخيل
وصدك حير بالكمر من وصفه

[القلب الاسير]

موفق ومبارك قلمكم الناطق اسال الله ان يوفقنا واياكم لكل خير بخدمة محمد وال محمد عليه وعليهم افضل الصلاة والسلام
واحب ان اضيف لابياتٍ من دروس الشجاعة والاخلاص واقول
بعيونة الكمر لو صد على العدوان .... حتى الجثث تجفل ترتجف منه
عباس بشجاعة حيدرة معروف .... وسيوف المعارك اله تتثنة
عباس الاسد لو صاح انه العباس .... حتى الشمس توكع بسمة تتحنة
الاقل
احمد رفيش

[كريم السعبري]

استاذي الغالي
انته كبير وكبير جدا في كتاباتك
وردودك
فلك احترامي ما حييت

[ابو ياسر الكعبي]

رياض الرسل
كريم السعبري
احمد رفيش

اجدتم واصبتم ايها الاعزاء.
دعوني اشارككم وان كنتُ لا اصل الى مقامكم

؛
طلگ نهر الفرات ابجربة العباس
ونولدت جريحه امخضّبه الجربه
انكسر ظهر الحسين بطيحة العباس
اذاً عباس بالطف معجزة رَبّه
واذا مو حكمة الباري ابذبح عباس
چا شال الفرات وعالخيم ذبه


موفقين لكل خير

[كريم السعبري]

استاذي الغالي ابو ياسر الكعبي
رد جميل يااستاذي
اسمحلي بالرد ايضا

نعم شنهو الفرات ويعصي عل العباس
ولوما حكمة الله يكوده من جرفه
ويل الكعبي تعرفه هاي كل الناس
والعباس بس حيدر شبه وصفه

ولكم احترامي