[حيدرموسى]

هاي ام البنين انخاهة بالشدة

بذن الله دعـــــاك والله متردة

*********

سولف همك الهه واكتم الانفاس

اخذ حسين مشية وكله يم عباس

منج اطلب انه ومــــا اريد الناس

والمهموم الهه يسولـــــف العندة

حلفه بدموعك من تصـــــب لحسين

وحلفه بمصيبة زينب وجفـــــــــــين

بجرح عباس من صابة السهم بالعين

دعـــــائك مستجاب شمـــــا وصل حدة

*******

اقـــــرة الفــــاتحة اله وكلـــــه يم الخير

يفـــــرج الله عنــــك والـــــــتريدة يصير

شـــــافت جــــــم مريــــض بعلتك لتحير

صفــــــي نيــــــــتك عدهه الفرج وعده

تحضـــــــــــربالمجالس هية والــــزهرة

تشوف اليــــــــلطم عليهه ويدك صدرة

تسمعك لو دعيت اشفـــافــك شتـــــقرة

لون بيــــك النــوايــــــب طولت مــــــدة

لاتنـــساهه واسيــهة بجـــرح زينـــــــــب

أعله عبد الله دموعـــك بالحـــــزن تنصــــب

بحضن حسيــن ضــــامي شلــــــــون يتصوب

بمصـــــــاب حسيــــــــن كلبك تـــبجي وتمردة

للشاعر / حيدر الخفاجي الرميثي

[حيدرموسى]

(بسم الله الرحمن الرحيم )

الك يالخادم رساله هاك اخذهه من الحسين

اقره عنوان الرساله الفــــوز بس للمخلصين

بيهه كاتب بالدمــاء- ظلـــم ماريـــد وريـــــاء

***************************

قبل واحد من محرم كتب بحروف الـسلام

للخدم ارسل رسالـه اتـعمــمت بسم الامام

راد نصبح كلب واحد بحبه ونعوف الخصام

ولو سمع بالغيبه كلبه يحــــترك مثل الخــيام

والحجي الوجهين يذبح ابحظنه عبدالله الرظيع

والمنافق سيفه يكطــــع نحرالحـسين الصريــع

لالحـــــــــكم الادعــياء ظــــــلم ماريد ورياء

والشمرتعريفه واضح الشمر معناه الغرور

سد غرورك لايأمرك تكطع النحر الطهور

والتكبر سوط يضرب متن زينب والخدور

رادنه انوفي بعهدنه واحنه دكينه الصدور

البلطم دك اعله صدره كون يوفي بالعهد

مو مثل من كالو اقــدم تالي خانو بالوعد

حسين قانونه الوفاء ظلم ماريد ورياء

عيني يالخادم تنظرك بكل ارض وبكل زمان

لاتـدوربراسي شهره لاتـــرفعه اعله السنان

والتواضــــع لله واجــب يفــــتح ابواب الجــنان

واحد اعله الثاني يــحجي مايجوز باي مكــــــان

لالتجـــــريح المشاعر زود الآم العــــــــليل

والنميمه سهــــــم قاتل يوكــــــع بعين الكفيل

اقره ثورة كربلاء ظلم ماريد ورياء

اعتذارك عن نصرتي جنت ماحاظر طفوف

بهلزمن انصر عيالي هلنصر مـــوبالسيـوف

كلهم الفـــــقره عيالي ردت ترحمهم اشــوف

وكلهم الايتام ولــــدي وكلبي اعليهم عطـــوف

حسين للفقره محامي ولليتامه اكبر نصير

عنده قانون التساوي لامواطــــن لاوزيـر

صاح بالطف النداء ظلم ماريد ورياء

ختم اسطر هالرساله وصه كل هاي النساء

تقتدي بأ خته العقيله وبالحجاب وبالـــولاء

للصلاه ضحه بدمائه مانضيع هالـــــــدماء

حسين عبره وعبره نهجه- والفعل قبل البكاء

رادنه انصون الامانه الالهه ماتكدر جبال

بحبه نتــــحده المشانق ماتخوفنه الحبـــــال

ينطلق صوت السماء ظلم ماريد ورياء__خادمكم حيدرالخفاجي الرميثي

[ابو ظاهر البركي !]

اقتباس : المشاركة الأصلية كتبت بواسطة حيدرموسى [ مشاهدة المشاركة ]

هاي ام البنين انخاهة بالشدة بذن الله دعـــــاك والله متردة ********* سولف همك الهه واكتم الانفاس اخذ حسين مشية وكله يم عباس منج اطلب انه ومــــا اريد الناس والمهموم الهه يسولـــــف العندة حلفه بدموعك من تصـــــب لحسين وحلفه بمصيبة زينب وجفـــــــــــين بجرح عباس من صابة السهم بالعين دعـــــائك مستجاب شمـــــا وصل حدة ******* اقـــــرة الفــــاتحة اله وكلـــــه يم الخير يفـــــرج الله عنــــك والـــــــتريدة يصير شـــــافت جــــــم مريــــض بعلتك لتحير صفــــــي نيــــــــتك عدهه الفرج وعده تحضـــــــــــربالمجالس هية والــــزهرة تشوف اليــــــــلطم عليهه ويدك صدرة تسمعك لو دعيت اشفـــافــك شتـــــقرة لون بيــــك النــوايــــــب طولت مــــــدة لاتنـــساهه واسيــهة بجـــرح زينـــــــــب أعله عبد الله دموعـــك بالحـــــزن تنصــــب بحضن حسيــن ضــــامي شلــــــــون يتصوب بمصـــــــاب حسيــــــــن كلبك تـــبجي وتمردة للشاعر / حيدر الخفاجي الرميثي

اللهم صل على محمد وال محمد
سلام الله على ام البنين


الشاعر الخفاجي حيدر
وفقكم الله وسدد خطاكم لخدمة محمد وال محمد

ورزقنا واياكم شفاعة ام البنين عليها السلام

تقبل الله منكم هذه القصيده وآجركم ان شاء الله


خادمكم

ابو ظاهر البركي

[حيدرموسى]

. اه يحسين ومصابه لجله العين سجابه

ياسهم عاشورصوبت العــــــــيون

لسه تجري دموع تجرح بالجفــون

وعين ابو فاظل جرت دم ماتهــون

مصاب حسين واصحابه--- لجله العين سجابه

اه يزينب والله بجيتي الحجــــــر

تغسل ادموعج جفوف اعله النهر

ماطفت دمعاتج خـيام القـــــــــهر

والعباس وصوابه ---------لجله العين سجابه

اه يعبدالله وجرح نار الســــــــهم

صاب كلب حسين بدمومك رسـم

لسه دمك بالسمه ينادي بألـــــــــم

وين الثار طلابه--- ------لجله العين سجابه

اه يـدمعــة سكــــنه بمصاب الحسين

تـــدري سيف اليتــــم يذبح مايلــــين

وعمهه راعي الجود كطعوله الاديـن

اعله المنحور وخضابه ----لجله العين سجابه

يا مصاب القاسم وجـــرح الشباب

وي جروح الاكبر اتسيل السحاب

يادمع رمله ومعـــــــانات الرباب

هاي دموع احبابه -------لجله العين سجابه

خادمكم حيدرالخفاجي الرميثي

[حيدرموسى]

اللهم صلي على محمد وال محمد وفق الله جميع خدام الزهراء ووفقك ياابا ظاهر لخدمة الدين والمذهب خادمكم حيدر موسى

[حيدرموسى]

قصيده بحق السيد احمد الغريفي المعروف بالحمزه الشرقي

انه الدكيت بابك وانت ابو الخيرات

ابومحــمد اعرفك ساعة الكلفه

ياباب الفــــــــــــرج تنفتح للحيران

انت الكل مـــــرض تتملك الوصفه

بيدك كم عليل من المرض شافيت

جم مجنون يصحه وينعدل ضرفه

يااحمد شجاع الحمزه من وصفوك

بشجاعة عمك العباس في طفــه

يا عالم جلـــــــيل اهل العلم احياء

ربـــك للبشر ارسلهم ابلطفه

اليدخل حضرتك كل هم اله ينزاح

يشعــــربالامان وكل الم يشفه

ديوان الغريفي ابكل وكت مفتوح

يضل طـــــول السنين انواره ماتطفه

مايوصل لوصـفك كل شعرمـــولاي

وللـــــسان القوافي صابته الرجفه

ابومحمد اعرفك ماترد طـــــــــلاب

يالحمــــزه اشكرك واطلب الرافه

الشاعر حيدرموسى الخفاجي

[كــرار العراقــي]

اقتباس : المشاركة الأصلية كتبت بواسطة حيدرموسى [ مشاهدة المشاركة ]

هاي ام البنين انخاهة بالشدة بذن الله دعـــــاك والله متردة ********* سولف همك الهه واكتم الانفاس اخذ حسين مشية وكله يم عباس منج اطلب انه ومــــا اريد الناس والمهموم الهه يسولـــــف العندة حلفه بدموعك من تصـــــب لحسين وحلفه بمصيبة زينب وجفـــــــــــين بجرح عباس من صابة السهم بالعين دعـــــائك مستجاب شمـــــا وصل حدة ******* اقـــــرة الفــــاتحة اله وكلـــــه يم الخير يفـــــرج الله عنــــك والـــــــتريدة يصير شـــــافت جــــــم مريــــض بعلتك لتحير صفــــــي نيــــــــتك عدهه الفرج وعده تحضـــــــــــربالمجالس هية والــــزهرة تشوف اليــــــــلطم عليهه ويدك صدرة تسمعك لو دعيت اشفـــافــك شتـــــقرة لون بيــــك النــوايــــــب طولت مــــــدة لاتنـــساهه واسيــهة بجـــرح زينـــــــــب أعله عبد الله دموعـــك بالحـــــزن تنصــــب بحضن حسيــن ضــــامي شلــــــــون يتصوب بمصـــــــاب حسيــــــــن كلبك تـــبجي وتمردة للشاعر / حيدر الخفاجي الرميثي

احسنت قصيدة رائعة وجميلة جدا عاشت ايدك
وشكرا للشاعر/حيدر الخفاجي

[ابوتكتم الخير]

قصيده رائعه
جعلها الله في ميزان حسناتك
أحسنت

[حميد م]

بسم الله الرحمن الرحيم

اللهم صلي على محمد وال محمد وعجل فرجهم

أولا أهنئكم بولادة السيدة العظيمة زينب الكبرى في الخامس من شهر جماد الأولى

وثانيا شكرا على هذه القصيدة الرائعة ، ذات المعاني السامية وفقكم الله وسدد خطاكم