لاتظن يلعلكمي
قصيدة كتبت ليلة السابع للأمام العباس
أي ليلة 7/محرم /1421هـ
وقد إشترك فيها عددمن رواد منتدى أوملاذ(آل مسيلم)
وهم رائد الشعر الحسيني حيدر الرماحي والشاعر السيد حسين الجارالله والشاعر الدكتور أحمد آل مسيلم والشاعر مسلم القاسمي والشاعر ميثم الرماحي وقاسم طاهر القاسمي وكل من الرادود
سيد حسين العبد الله والرادود طارق القصاب
لاتظن يالعلقمي تروي كلب.....وأنت فيضك يرتشف من جربته
النهر كام وغرف للجربه ماي..... وكامت الضفه لجدامه تلكته
تعثرت بجدامه و كالت دخيل.....حيف ابو فاضل شبكه و شبكته
لكز بطن الحوت يونس مانساه....شلون ينسه سكينه من إتنخته
وفز نهر النيل لفرعون الجواب ...ولو يسل سيفه المحيط ايشتته
مانزف دمه تره بأرض الطفوف ...ولاطفت عينه بسهم ولاجربته
روه كل الطير مندمه الشريف ...ومن يرف جنح الفراشه بصايته
فرق ماي السيح من ماي الديوم .....ديم عباس وملَك عد كطرته
الفرق ماي النهر يروي النبات ..... لجن مو مثل الديوم بزختـه
شنهو مايك حتى أبو فاضل يجيك .... راد يغسل مايك بدم يمنتـه
شلون تعقلهإحفظت ماي الفرات ... وأنت(جود)إمتونك وماشالته
ليش شنهو العلقمي وصيته يطول.. هذا خايب وإشتهر من فعلتـه
خالف وتعرف يبو ماي الجياح...كوم شوف النيل وانظرغيرتـــــه
منهو أبو فاضل يماي ومنهوأبو ... ويا بطن يا ماي كلي النكلتـه
باجر المختار زندين اليشيل .... واحد لجعفر و الآخر يمنتــــــه
جعفر الكفار كول الكطعوه .... لجن ذوله إسلام جفه الكطعتــه
هذا أبو فاضل عليهم من يطب .... تشرد الأبطال تحذر صولتـــه
جفه سيف وسيفه خلاها ذرب ....نشهه كدامه الزلم ما كعتـــــــه
تدري ليش العلقمي مايه عذب .... فايح بمسك الجفوف المسته
أبو فاضل دنك وراد الشرب.... إتذكر أيتام الحسين و محنتــــــه
رفع إيده وما شرب ماي الفرات.... يشرك بصوم اليتامه الوصته
وسجدن جفوفه وينادن يا حسين .... يبجن بدم ويواسن غربتـــه
كربله بدم الكمر صارت منار ....ومنه صارت تفتخر كل شيعتــــه
نده يحسين اليتامه بلايه ماي .... يخجل و زينب تعد الجيتــــــه
نام يم العلكمي يروي الفرات .... نشرب اليوم الحشر من عزتــه
هذا إبن حيدر شبل أم البنين .... علي بجفوفه قسم من ولدتـــه
أخوكم
ابوتكتم الخير
ابوتكتم الخير :لاتظن يلعلكمي
العرض العادي
