ماعوف حُب النجــــف دار الصداهـــه علي
جي بيهه حامي الحمه السيفه بحروبه علي
ما عوف حبــــــــها لون جيش ايتِجَمَّع علي
من حيث حبهه نبع من عنده كلمـــــــن ورد
لابد بيوم الحشــــــــــــــر جائزته باقـة ورد
يسأل عليش الــــــــــورد هــذا الاجاني ورد
من مــالك اينبئه جي انتَ تعشـــــــــكَـ علي
(مالك خازن الجنه)
مهموم شوكَي نهر نهــر العشكَـ كـر بله
مكروب غم عاذلي خلــه ايعذل كـربه له
ما دام بيدي التمر عــادي يلم كــربـه له
جفني يصيج بقهر يمتـه المدامــع نِجـف
يمته بضريحك علي بروح الموالي نِجَف
مو مثلي كلمن بجه اني المفــــاركَـ نَجَف
ومفاركَـ ابنك عـــلى الـمنه زهت كـربلــه
التعديل الأخير تم بواسطة زكي الياسري ; 13-11-2011 الساعة 09:47 AM.
ياعلي وداعت علي رب البشر من علي
ومن ادخل الحضرتك جن طيب ينثر علي
ماعوف انا ولايتك يالبيها صرحك علي
من حيـــث اسمك علي كَبل الخلايق كان
والي يطب النــجف ينــــــظر الكَبه كأن
تنفتـــح باب السمه ويـــطلعله ملك كان
حب بكلب كل محب جي لن يــحبك علي
نجف كربله ... موّاليَن
العرض العادي
