[رحيم الحسناوي]

يا عباس بيوم السابع بمحرم ننعاك..نندب يا راعي الجفين ونرفع فوك لواك
نهديلك دمعات العين...ياراعي الرايه وجفين
نندب ياراعي الجفين ونرفع فوك لواك
ـــــــــــــــــــــــــ

اجينه نهل دمع ويه العقيله اليوم..نواسي المرتضى ونتكَصّد المضلوم
اسف بيت الامامه توجر ومهدوم..يجفّال البكَت يمه الخيلول تحوم
نصرخ يا عباس الجافل يم حسين الكَوم..رد عداك وعوف صوابك يبن الحره وكَوم
ضل وحده وبالغربه حسين...ياراعي الرايه وجفين
نندب ياراعي الجفين ونرفع فوك لواك


هلابك يا سليل الموزمه الصعبه...نضل ننحب نطوفك ننشك التربه
تناديلك يصل بفراكك بغربه..على اختك هالنوايب والعلل تربه
زينب يبن الحك محتاره وهمهه بحمل جبال..مدهوشه وتندب يالجافل تاهت مني عيال
بيه الهم نار بصفين..ياراعي الرايه وجفين


شجاوب لو يخي عنك يسالوني...يصلصال الكلافه وسلوة عيوني
ولوني بغيبتك خويه ويشتموني...يمن شفت المنايا على النهر دوني
روحي ترفرف يابو الغيره وتتوسد بسماك...مااريدن بعدك كل عمري وعينك ردت وياك
يبن الكرار وشمسين..ياراعي الرايه وجفين
نندب ياراعي الجفين ونرفع فوك لواك


جزه حدوده الصبر خويه وخلص صبري...سلت بيه المصايب تدري من زغري
شاعاتب لو هوه رجاب الالم صدري...بعد شلّي بحياتي وشلي بعمري
رمحك رمحي وسهمك سهمي ولاجلك تدمي عيون...يمك ضل يسجب دلالي وبمصابك مركون
يبن الدك خصمه برمحين..ياراعي الرايه وجفين


فلا يبطل ونيني ولا تحده حدود..يخويه العالنهر صد الجموع بزود
عماني الهم على فراكَك يراعي الجود...اخوي وبالغرب هذه الوكت مريود
رحت وشمتت يا عباس بفجعاتي الصوبين..بيكم عادو ثار الماضي وردّو بينه الدين
ذكرو سيف الحكَ بحنين..ياراعي الرايه وجفين


اجيتك يبن ابوي بلهفتي ودمعي..طفت روحي وهديت من العلل دمعي
شاسولف عالجرو دمكم غدر شادعي...هدم حيلي وكَضاني بهالغرب صدعي
شفت بعيني الشال الرايه بجرف الشط منحور...سلبو خدري وشدهو فكري وصار الدم منثور
راح الحد سيفه بحدين..ياراعي الريه وجفين
نندب ياراعي الجفين ونرفع فوك لواك


خذوني على الهزل يبن الفحل لبعيد...على سوط النوايب والجتف بالايد
يسيره بلا اهل وامشي الدرب ليزيد...بكَت روحي بسكَمهه ولا هضمهه يهيد
امشي وتمشي كبالي وتنزف فوكَ رماح الروس...صدري النامت بيه سهام اصبح بالهم متروس
بين اَلحكَ بخواني وبين...ياراعي الرايه وجفين
نندب يا راعي الجفين ونرفع فوك لواك
رحيم الحسيني الحسناوي

[حبيبة الحسين]

مشكورين لهذا المجهود الرائع
بارك الله بكم

[رياض الرسل]

السلام عليكم

الحبيب الغالي
رحيم الحسناوي

موفق على هذه القصيده الرائعه
وجزاك الله عليها خير الجزاء
دمت بكل خير وبركه


رياض الرسل

[عاشقة عــلي]

احسنتم وبارك الله فيكم