بسم الله الرحمن الرحيم
اللهم صل على محمد وآل محمد وعجل فرجهم
صرخـــــــــــــة الأيتــــــــــــــــام
ــــــــــــــــــــــــــــــــــــــــــــــــــ ــــــــــــــــــــــــــــــ
ياعيد إسمع صرخة الأيتام == راح الأبو والأم مضتْ من عام
كان الأبو خادم يشيل الماي == يسقي العطش للزاير المحتام
كل عام ينصب موكب الأحزان == يستقبل الزوّار بالأحرام
إحرام أسود غطّه ضَيْ عيناه == يتزاحم إبروحه الأمل آلام
وإبساحة العز راح بالتفجير == دم سال ناطق بالكرم ما نام
والأم على درب الأبو الموسوم == ظلّتْ تسير إو تقصد الضرغام
تقصد لبو اليمّه مع الزوّار == كل عام تمشي إو تكبر الأحلام
وإبلحظة التوديع كان الموت == ينزل يناغي الروح يبكي كام
من شاف عين الأم حنين إتفيض == ظل بالألم محتار ما ينلام
دفعتْ ضريبة حُب علاها الزود == أم اليتامه إبمعرفه إو إلهام
وصلتْ بعد عن السبط خُطوات == تفجير غادر صار يمها إو حام
نالت شهادتها إبعزم وإصرار == ما خافت الأم سبقت الأقدام
ياعيد سلّم عاليتامى اليوم == من الفرح حرموهم الظُلاّم
لاعيد عدهم لافرح يتنون == غطّاهم الهم والفقر للهام
والناس ما عدهم رحم وإحسان == بالهم نسوهم ما بعد إكرام
يابو اليتامه ياعلي الكرار == ضاعوا يتاماك إبوسط إسلام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldphk35158.mp3.html 
صرخـــــــــــــــــة الأيتـــــــــــــــــــام
العرض العادي
