[رحيم الحسناوي]

مبخوت الحزن غطّه على الافراح .. ودموع الفرح ذابت بالعيون
غربه ويه الفرح جن عدنه ثارات .. ونواسي الحزن كبل اليحزنون
ضل بينه الشجن شجره وعصافير .. تنكث بس ماَسي ابّحر الجفون
تكَرب يالحسن بيك المسافات .. يبن اعضم زجيه على اليعبدون
ياتاج المعارف وابن الاطياب .. يا انبل امام ومنقذ الكون
دولبنه الليالي وغربة حسين .. خلصّنه الحقيقه من اليدفنون
شدينه الحناجر فوك الجبال .. هوّسنه بغرامك عاليضدون
تسري على الخلايق راية حسين .. واسمك ضل علم فوك اليشيدون
يالكلّك حسن وانته ابن الاشراف .. صوتك هز عرش كوم اليكرهون
ربكم من خلق ادم والافلاك .. علّمهم قدركم حتى يدرون
تتوارى الملوك وتفنى الازمان ..وانتم للقيامه الاعلى تبقون
تبقون السياده وكلكم اعلام .. بس انتم ائمه اللي تشفعون
تبقون الوحي وتبقون الاَيات .. وانتم مدرسه لكل اليكتبون
وانتم سلسبيل وماوى الايتام ..والنكرو فضلكم خل يعرفون
مولود الحسن باسم الله هاليوم .. عرش الله بعظمته بنوره مزيون
بيته على الجنان وسوره الاملاك .. در تنثر لابن حيدرنه مكنون
جذاب الوصف ينسه ويسد عين .. ماصار اليوصف العتره ويكون
ذوله الله لاجلهم كوّن الناس .. وانه ارثي الحسن ويه اليحبون
رحيم الحسيني الحسناوي

[ابوعلي العراقي]

رمضان كريم .
مبدع دائما اخي الحسناوي .
بارك الله فيك .
تحياتي .

[رياض الرسل]

السلا م عليكم

رحيم الحسناوي


موفق على هذه القصيده الرائعه
واسأل الله لك كل التوفيق والرفعه
دمت بكل خير

رياض الرسل

[الروح]

الله الله قصيدة تنث الروعة من بين ثناياها
الفاضل الأديب رحيم الحسناوي وفقك الله حباً بالسبط المنتجب
لقد اجدت كثيراً مأجور ومثاب

تحياتي وتقديري

[امنية شائق]

بسم الله الرحمن الرحيم
وصلى الله على محمدٍ وآله الطاهرين
قصيدة موفقة وفيها من الشاعرية الكثير
اسلم لي