بسم الله الرحمن الرحيم
اللهم صل على محمد وآل محمد وعجل فرجهم
هوســـــــــــــات فــــــــي مولـــــــد المحتبى
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
إكصد للبقيع إو صيح يامولاي == جيتك يلحسن زاير إلَك عنّاي
كريم البيت إنتَ يابعد عيناي
ما يرجع خطّارك خايب
ــــــــ
نهنّي فاطمه بالمجتبى المولود == نفرح والفرح لجل النبي المحمود
فرحان الرسول إو يشكر المعبود
منْ هل سبطه إبنوره الأزهر
ــــــــ
نهنّي المرتضه بالجاي هاليوم == مولود الحسن ريت الفرح للدوم
واليذكر فرحهم ما يظل مهموم
فرحانه الدنيه إبفرحتنه
ــــــــ
معصوم الحسن من كل زلل طاهر == أمّه فاطمه والأب علي الناصر
والجد أحمد الهادي النبي الزاهر
ياطيب المنبع وأسراره
ــــــــ
من أهل الكسه الطيبين مولانه == سطع نوره الحسن هاليوم غطّانه
كريم البيت صار إو شاع عنوانه
محّد يوصل جوده إو زوده
ــــــ
هله إوميّة هله بالمجتبى من هَل == مله الأكوان نوره إو صار منهل
يعيش إبروح كل شيعي يحب ينهل
من طيب الوالي إو أنواره
ـــــــــــ
لو مر الحسن يكطع مشي الوادم == تهابه الناس من يحضر أبو القاسم
من حسنه البدر يمشي إو يظل غايم
ما يكدر ينظر أنواره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
إسمعوا الهوسات على هذا الرابط
http://www.wlidk.net/dlddxm14386.mp3.html 
هوسات في مولد الحسن عليه السلام
العرض العادي
