تعجز احروف القـــوافي اتوصّــفــك
ياسبط طه النبـــــــــــــي خير البشـر
بنص شهر رمضان نورك من سطع
صرت محتار آنه اوصـــــف يا كَمر
كَمر وجهك سيدي الضوه الفضـــاء؟
لو كَـمر نص الشهـــــر لمن ظهــــر
***
سيدي بليلة شروقـــــك ماكو ليل
و الظلام ابفعل نــورك اضحه نور
و الحـزن مولاي ذب ثوب السواد
بالفرح غطة المدايــــــن والسرور
و المشــاعر هلهلت بالانشــــــراح
و البشايـر عانِقت عُمق الشعـــور
***
سيدي المنان سمّــــــاك بسماه
شُبّر و بالارض سمّاك الحَسن
يعني بالاحسان مقرونه الفعال
و بالكرم مثلك فلا جاب الزمن
انته يامـــــــولاي مفتاح العطاء
يعني إسمك صار للفقره وطن
***
سيدي الانسان يحتـــــــاج الدليل
وماكو مثلك يعرف ادروب السمه
يعني انته الهادي يالمالـــــك مثيل
تربية حيدر و ضنـــــــــوة فاطمه
اذن من بيـك اقتده نـــــال المُـراد
حيث حُبك فاطـــــم امن الحاطمـه
***
الناس تفزع سيدي بالمــوزمات
للكريم و انتَ اكرم مــن مَـلـَــك
و احنه محتاجين مولاي العطاء
حيث بينه انـدار دولاب الفلـــــك
حسين مفـزعنه الشهيد ابكربلاء
و انته مفزع للحسين ابلايه شك
الى سيدي الامام الحسن المجتبى عليه السلام
العرض العادي
