[رحيم الحسناوي]

اويلاه يبويه بهالمسيه ... تمنّيت لون تحضر اليه
تمنيتك تجيني وتنضر لحالي ... بعد كسر الضلع تتيتم عيالي
تمنيت لون تحضر اليه
ــــــــــــــــــــــــ

اخبرنك يبويه ما رحمني .. دفع خصمك على الباب وعصرني
ولاني وما رحم حالي وسكمني .. وجسر بيده وعلى عيوني وسطرني
يريدون فدك والبيعه منّي ... يذبحون ولينه ارفض لونّي
بكَت بسمك يبو الحكَ تلهج اطفالي ... بعد كسر الضلع تتيتم عيالي
تمنّيت لون تحضر اليه

وحيده بلا اهل يالوالي جنهه .. تضل بنتك يبويه وعالي ونهه
ولا صح اليزيل الشدّه عنهه .. ولا صح اليجاوب صيحه منهه
بتولك حزينه بفكّد ابنهه ... وصفه بليل نعش بنتك دفنهه
ولا مر لحضه كل اللي جره ابّالي ... بعد كسر الضلع تتيتم عيالي


ولينه مجتّف بحبل الضلاله .. شوصّفلك يبويه من الجراله
ابن عبد الصنم حقق مناله .. وخذو حيدر يسير وياذي حاله
يريدون يبايع لال اميه ... ابو حسين غصب والناصبيه
غلا الدهر الرخيص ورخص الغالي ... بعد كسر الضلع تتيتم عيالي

شكولن شاحتمل بعدك يكرار.. وصفه الحاقد يكَلهم شبو النار
منو اليلحكَ علينه وياخذ الثار .. بعد عينك يبويه وحامي الجار
اخو حسين تره المحسن رميه ... تسمعون شهيد على الوطيه
صفه الون والهضم والحيره موالي ... بعد كسر الضلع تتيتم عيالي

شفت بويه المنايه ومن رفسني .. امر عبده وسحب سوطه وجلدني
بنت خير البشر يدري وهضمني .. ومن وليدي البكَه مخضب حرمني
اناديك صرت والبيه بيه ... وبعد ضيم عَلَي بالغاضريه
تمنيت الرمح بيميني وشمالي ... وبعد كسر الضلع تتيتم عيالي
تمنيت لون تحضر اليه
رحيم الحسيني الحسناوي

[فلاان]

مثـــاب عزيزي
سلمت ومأجور عزيزي

.. بالتوفيق إن شاء اللهـ ..

[رياض الرسل]

السلام عليكم

رحيم الحسناوي

موفق على هذه الكلمات الرائعه
دمت بكل خير
والله يوفقك

رياض الرسل

[ثورة الحسين]

تسلم على الموضوع الرائع والقيم
تحياتي لك
عبدالله الشاعر