[حسين الخالدي]

(الى من اراد ان يهمش المواكب الحسينية)

سور النجف

روح اسأل علينة وشوف احنة منين
حاظرنة الحسين وعلي ماظينة

لاتحجي علينة وربعك يشجعوك
ترة القبلك حجة ماكدر يلغينة

وسور البلنجف صدكني مو طابوك
سطرنا جثث من جيش اعادينة

----
ولدك ياعلي ما دنكو هامات
مناير بالصحن واحدنة تلكينة

احنة اهل الكرم والشاهد الزوار
نقدم ارواحنة لو ضيف يلفينة

احنة اهل المواكب وكفتنلنة عقول
وما فرغت ابد صدك صوانينة

وذا البعثية تمنع هل مواكب هاي
بيام المنع ماكدرو علينة
------
روح اسأل علينة واسأل التاريخ
وسل رمح العوالي عن معالينا

بيضٌ موكبنا سودٌ تعازينا
خضرٌ بيارغنا حمرٌ قوافينا

لما سعينا فما رقت سواعدنا
وستشهد الزوار هل خاب الرجا فينا
------
مواكب للطم للطبخ للزنجيل
وآلآف الشعائر احنة سوينة

وذا رايد اسامي هواي عدنة اسماء
روح لكربلة وهناك تلكينة

طب انت لحبيب وسألة عالاسماء
على غلاف السجل مطبوعة اسامينة

[لمار]

اللهم صلِ على محمد وال محمد


كلمات غايه في الروعه
احسنتم

[الملكي]

الله الله
جميل جدا ماقدمت
بارك الله فيكم شاعرنا الموالي
تقبل خالص تحياتي

[رياض الرسل]

السلام عليكم
الخالدي

موفق كل التوفيق
على هذه القصيده الرائعه والغاليه
واسأل الله ان يجعلها في ميزان اعمالك
والله لايحرمنا منك

رياض الرسل