[رحيم الحسناوي]

علي من صاح مرحب من طراهه

تهاب الناس طالب من طراهه

هام الزور حيدر من طراهه

اعتدل وزن الميول على الوطيه



الفخر بس للحياده وعاده لاهم

الشهاده ولاد حيدر عاده لاهم

ياهو البالمعالي عاده لاهم

وامهم فاطمة الزهره الزجيه





خلهه تحوك اميه ما بدلهه

بالدنيه الولايه ما بدلهه

رايتكم تهاوت ما بدلهه

وعلت راياتنه احنه الرافضيه





الى من شاه فكره وانتباهه

بالزهره انتنومس وانتباهه

روحي فداك حيدر وانتباهه

نبض يصرخ يحماي الحميه

رحيم الحسناوي

[حُسينية الهوى ~]

الله الله .
احسنتم وطيب الله انفاسكم اخي
حفظكم الله وادامكم .
جزيل الشكر .

[ابو ظاهر البركي !]

اقتباس : المشاركة الأصلية كتبت بواسطة رحيم الحسناوي [ مشاهدة المشاركة ]

علي من صاح مرحب من طراهه تهاب الناس طالب من طراهه هام الزور حيدر من طراهه اعتدل وزن الميول على الوطيه رحيم الحسناوي

يصاح حدود خيبر من طرلهه؟
لكل الناس صاير منطر لهه
انشدك هام مرحب من طرلهه؟
ابيوم الكل تخانث عالوطيه

السلام عليكم اخي رحيم
رزقنا واياكم شفاعة ال بيت الرسول عليهم السلام
ايها الشاعر المبدع

تقبل مروري المتواضع على جميل شعرك


اخوكم
ابو ظاهر البركي

[ابو ظاهر البركي !]

اقتباس : المشاركة الأصلية كتبت بواسطة رحيم الحسناوي [ مشاهدة المشاركة ]

الفخر بس للحياده وعاده لاهم الشهاده ولاد حيدر عاده لاهم ياهو البالمعالي عاده لاهم وامهم فاطمة الزهره الزجيه

العوج بسيف حيدر عدلاهم
بشجاعه الناس كلهه عدلاهم
يهلتشكي همومك عدلاهم
اذا تنخه علي حامي الحميه


شكرا شكرا شكرا لك اخي رحيم على هذه الابيات الرائعه
تقبل مني مروري البسيط على روائعك


اخوك
ابو ظاهر البركي

[ثورة الحسين]

كلمات رائعه اثابك الله الجنه بحق الحسين(ع)
تحياتي لك مع الشكر الجزيل

[الروح]

بوركت الأيادي الطاهرة
رائع ماقدمتم مأجورين سيدي الفاضل
جزاكم الله خيراً
إمتناني وتحيتي