السلام عليكم ورحمة الله وبركاته
بسم الله الرحمن الرحيم
موظف راح بقالة يشتري بعض المقاضي وعند الدفع طلب
من صاحب البقالة تسجيل الحاجات على الدين فرفض
صاحب البقالة وطالب بالكاش وهنا انتفض المواطن وقال لالالا
الكاش غير متوفر بالاسواق المحلية لانه صار بأيدي شلة من الحرامية
والحرامية صارو كثرة والكثرة غلبت الشجاعة
والشجاعة يبيلها قناعة والقناعة كنز لا يفـنى
والكنز موجود بالمغارة والمغارة ما تـفك الا لعلي بابا
والاربعين حرامي ... والاربعين حرامي صاروا ملايين
والملايين تندفع لضعاف النفوس رشوة .......
والرشوة صارت حق .. !!؟ والحق للاسف مأكول
والاكل ما عاد منه غذاء
والغذاء مقابل النفط ... والنفط جاب البلاء على رؤوسنا
و رؤوسنا تمرمطت بالارض .......
والارض مقابل السلام .... والسلام صار استسلام
والاستسلام ضيع العرب و الاتحاد
والاتحاد خسر امام الهلال عشان الهلال يلعب بروح وحدة
والوحدة صارت حلم .... والحلم سيد الاخلاق
والاخلاق تحولت لنفاق والنفاق جمع ايش ؟؟؟؟حزر
جمع نفق ... والنفق لازم يكمل وعشان يكمل
لازم مقاول بناء صالح ... والصالح غير متوفر هالايام
وهالايام صارت المفاهيم مقلوبة
والمقلوبة اكلة شامية يبيلها بذنجان اسود ولحمة
واللحمة ماعادت تدخل بيوت الفقرا ولو نطحوا الجدران
والجدران صار لها اذان والاذان مالية البلد
وبالبلد صار في اكل هوا ... وبالهوا فيه تلوث
والتلوث دخل النفوس والاحوال والقضاء
وللقضاء على التلوث نحتاج قضاء وقدر
والقدر علينا مكتوب والمكتوب ما منه مهرب
والهروب نص الرجولة ... والرجولة مفقودة
والمفقود غير موجود ...والموجود له ساعة
والساعة اتية لا ريب فيها ... يوم يأخذ كل ذي حق حقه
الذي سرق منه في الدنيا .... والدنياعليها السلام
والسلام صار من الاحلام ..عشان كل واحد
ماشي وبيكلم نفسه ويطالع بالارض
والارض بتتكلم عربي .. والعربي ما يدري وينه في؟؟؟
ونصف العرب ماعندهم وطن وآآآآآآآآآآآآآآه ياوطني
وهنا قاطعه صاحب البقالة وقله حسابك وصل الله يسهلك..
الحمد لله الذي لا يبلغ مدحته القائلون ولا يحصى نعمائه العادون ولا يؤدي حقه المجتهدون
وصلى الله على محمد وأل محمد الطيبين الطاهرين هم أهل الهدى وهم سبل النجاة والتقى
اللهم عجل لوليك الفرج
السلام عليكم ورحمة الله وبركاته
..
بارك الله بك
على الطرح الرائع بأسلوب فكاهي
جزاك الله خير
رزقَنا الله تعالى وإياكم حُسْنَ ولاية أهل البيت
النبويّ، والثبات عليها والبصيرة فيها
والحَمْدُ للهِ ربِّ العالمَين
الموظف و صاحب البقالة
العرض العادي
