[عاشقة الاعلى]

يمهدي خلصن اسنيني بعد ماشوفن ابعيني

يوســف انته ونتــظرك انه يعــكوب تدرينـي





على أفراكك ذبل وردي


مثل يعــــكوب يالمهــدي


ادموعي عاشرن خـــدي


وبفراكك تسليني





يمهدي ابحــالي ماتدري


الهجر شيبني مـن زغــري


أعله لحظه ينكظي عمري


وخافن دهري يفنيني





كبل لا تغمض اجفوني


اشوفــك ريـت بعـيوني


علــيك الــناس لاموني


وكلام الناس ياذيني





حبيبي غايــب ويـــرجـع


أكلهــــم واجـري المدمع


عليك أقســم يمن تسمع


كون الليله تلفيني





خريف ايامي مايرحم


لنسيمك ياربيع أشتم


وتطيح أوراقي وتبسم


لأن اعرف مناسيني




ومثـــل يعكوب وتأمــل


ربــــيع أيامي تتــحول


ودمعتي ابسمه تتبدل


ودري ما تخليني




أنه يعـــكوب ونتـــظرك


تدري بس اشم عطرك


يرد شوفي يمن بدرك


ابحزن ليلي يواسيني





كـــل غايب يــرد لهله


لجنهه الفركه موسهله


ويربي منـــك المهله


لتوكف شرايني




كبل لا تخـــلص ايامي


اشوفن طلعت أمــامي


أريــد اشكيــله ألامي


مابينه او مابيني

[عاشقة الاعلى]

لمسه جديدة وخفيفه
للحجة (عج)
اسأل الله القبول

مشايه اجينه اليوم ----- للمهدي للمهدي

مشايه نـــزحف الك
كل احـنــه نـتــأملـك
فاز اللي دربك سلك
والمايحــبــك هـلــك
ريت المحبه اتـــدوم ------- للمهدي للمهدي

مشايه جينه بشغـف
مـنــك ننول الشرف
اسمع گلبنه اعترف
وبحبك انته هــتــف
حبنه قـــــدر مقسوم ------ للمهدي للمهدي

لا مانهاب الخـــطــر
يالمهدي يالمنتـظــر
حبك حـقـيـقه وكـبـر
بنص الگلوب استقر
وهاي الگلوب اتحوم ------- للمهدي للمهدي

نمشي بشرف خطوتك
وانــبــارك اولادتـــــك
سجـلـنه من شيعــتــك
وانشارك بطـلعـــتــــك
هذا الفرح معــلــــوم ------- للمهدي للمهدي

گلب الموالي انشرح
بــولادتــك واتـضـح
كل حبك انته طـفــح
واتحول بهل الفـرح
نفـــرح بــدل لهموم ------ للمهدي للمهدي

كلمن حـضر عـاهـدك
يالمنـتـظــــر وآيــدك
أي والـــذي ســـددك
اتشاهـدنه وانشاهدك
خصه الاله بعـــلـــوم ------ للمهدي للمهدي

[الروح]

متباركين بالمولد غلاتي
وفقك الله لهذا الأنتقاء الرائع
لكِ بتلات الجوري
تحياااتي وودي

[ربيبة الزهـراء]

متباركين بمولد عزيزتي
انار الله قلبكم ..

موفقين لكل خير