ليلى طفلة تحب تشاهد مسلسلات كرتون ومسلسلات وافلام والاخبار ماتحبها smilies/234.gif
كانت تتذمر كلما شافت ابوها حط ع الاخبار ..تتمنى متى تنتهي الاخبار حتى تشاهد كرتون ..
مو بس في البيت ...كلما ركبت مع ابوها السيارة حط ع الاخبار
المسكينة ساعات تحس انها باقي شو ي ويغمى عليها من صوت المذيع والموسيقى او الصوت اللي بين الخبر والثاني
تسند راسها ع الكرسي وهي تتمنى لو ابوها يغير الاخبار ..يحط أي شي الا الاخبار
خصوصا اذا ركبت معاه الصباح والشمس حارة ...ياعلي ..
في يوم راحت ليلى مع ابوها لبيت عمتها ..دخلوا ..سلموا .. جلسوا في غرفة الجلوس
التلفزيون مشغل وبعد حاطين اخبار ... ابو ليلى سال بنت اخته : ها ابوج هنا ؟؟؟؟
بنت اخته : لا ..ابوي في العمل ..مو هنا
ابو ليلى: من اللي حاط الاخبار؟؟؟؟؟
بنت اخته: اني اللي حاطه اخبار ..نسمع ونشوف اخبار العالم
ابو ليلى smilies/48_asmilies- بابتسامة رضايقول: اوه ..زين والله تسمعي اخبار ..وعدل جلسته وقعد يسمع مستانس ..ههههه..الاخبار اكله وشربه ..ههههههه
ليلى الدلوعةsmilies/013.gif شافت ابتسامة ابوها..وكيف انبسط من بنت اخته لانها تسمع اخبار ..قالت في داخلها : عجبته لانها تسمع اخبار ...صارت تفكر في الموضوع ..هي تغار على ابوها ..تحب يكون ملكها وبس ..هههههه ..بعد كل البنات كده .صح؟ ههههه
المهم ..كان عمرها في هالزيارة 10 سنوات ..اقل اكثر بشوي
كبرت ليلىوفي عمر 12 سنة تقريبا بدات تشدها مناظر الاطفال الشهداء في فلسطين ..صارت تتاثر وتتابع ..صارت كل يوم تسمع اخبار .. كلما سمعت جاها صداع وصارت ماتقدر تذاكر ...بعدين صارت تذاكر واذا خلصت مذاكرة تروح تسمع اخبار ....
في عمر 15 ..شافت ليلى منظر مؤثر جدا بالنسبة الها ..كان ابوها حاط اخبار ..والا تسمع شاب يقول :"بالميكرفون" : مشتاء لك ياامي ..مشتاء لك كتييير ياامي ..هو يبكي ..يبكي بصوت ..ودموع الرجل تؤثر فيها اكثر لانه رجل وماتعودت تشوف الرجال يبكوا بسهولة ..
لما شافته سالت ابوها : هذا فلسطيني .؟؟؟ مو فلسطيني ؟؟؟ لهجته غير
قال ابوها : هذا لبناني ....
ليلى :ليش ؟؟ لبنان محتل ؟؟؟
ابوها: أي جنوب لبنان محتل .....جنوب لبنان اكثرهم شيعة ..والشيعة في كل مكان مظلومين
ليلى توها تدري ان لبنان محتل
صار الهم همين ..فلسطين ولبنان
طبعا بدات تشوف السيد حسن ...تسمعه ....
صارت حتى في المدرسة ..اذا عطوها موضوع تعبير حر ... تكتب عن فلسطين
صارت كلما شافت شهيد تحلم بالشهادة
اول استشهادية فلسطينية كانت ايات الاخرس "عمرها 18 سنة" ..ليلى وقتها كانت بنت 15 سنة ..صارت تقول : يالله ..ياليت اصير مثلها ..اكيد مابوصل عمرها الا وسويت شي ...
طول الوقت تفكر شتسوي ..لشعب فلسطين ؟؟ لازم تسوي شي ياليلى ...لازم
كبرت ليلى ..جاء الانتصار ..تحرير جنوب لبنان
كانت الدنيا موسايعتنها من الفرحة ..
بعدها تحرير "مياه الوزاني"
تنشد طول الوقت اناشيد النصر ...وتعلقت اكثر بشخصية حققت حلم كانت تشوفه مستحيل وهو انه لازال يوجد ابطال في هذي الامة ....عشقت سيد النصر والمقاومة "السيد حسن نصر الله "حفظه الله
حدث ماهو اعظم من تحرير الارض وهو تحرير الاسرى ..كان يوما من اعظم الايام
وعدت ابوها انها تسوي الهم كيك اذا طلعوا الاسرى ..وراحت سوت الكيك وحرقته..ههههههه.smilies/50.gif . لانها مو فاضيه اله
تتابع الاخبار بشغف وتنتظر لحظة عودة الاسرى
رقصت فرحا ..بكت لبكاء اهالي الاسرى ...اسعدها منظر لبنان المتوحد ..وعيونها طول الوقت على مين ياترى ؟؟
على السيد حسن ..شافته كيف كان يحضن لاسرى ..كأن عبايته قلب يتسع لكل العالم ..للمسلم والمسيحي ..لمقاومي حزب الله ومقاومي بقية الاحزاب
كان يوما سعيدا
جاء اليوم الحزين ...... احتلال العراق ...العراق اللي الى اليوم يقطع قلب ليلى بالسكاكين
يوم احتلوه ..بعد احزانه الطويلة ...كأن سهم مسموم طال قلب ليلى والى اليوم مافي طبيب يقدر يداويه لان السم كان شديد
صاروا فلسطين والعراق ..ولبنان اللي كل يوم تفجير ...وووو
اليوم ليلى ملت من السياسة ومن اخبار القتل والمشاكل في هالعالم
مرت على ليلى ايام تمنت فيها انها لو صارت مثل باقي البنات "يفكروا في اللبس والماكياج ووو "
حاولت تكون كده .بس ماقدرت تفصل حياتها عن حياة العالم
ليش تحس نفسها مسؤولة عن العالم ...؟؟ ليش؟؟
ليش مو مثل باقي البنات ؟؟
هذي قصة ليلى ..اللي وصفها شخص بانها سياسية محنكة .!! قالت له :لا مو لهالدرجة ؟؟ قال :انا اشوف كذه
هي حكايتي مع السياسة ..باختصار ..في احداث واحداث ..بس يلا طولنا عليكم
بس اني ماحب السياسة ..اني احب الناس واتمنى يعيشوا بسلام
متى بيتحقق حلمي
عاطفتي خلتني اسمع اخبار ..."وعلى نفسها جنت ليلى " ههههههه
نعم ..السياسة مرهقة
الله يعينك ياسيد حسن ..شو بتتحمل لتتحمل .... طبعا السيد سياسي بامتياز ..لكنه انسان قبل ذلك
..ههههه..الاخبار اكله وشربه ..ههههههه
العرض العادي
