أصيح بلوعه وتحسر ... يبن جعفر ... يبن جعفر
***********
يبن جعفر أعزي بيك ... روحي لو تعزيني
تفيض إعيوني بالدمعات ... وسمك والله ياذيني
من كلبي تشب النار ... على وجهي تجويني
عالمسموم ... أون اليوم ... ويكثر حزني بعد أكثر
*************
ملتمه النجوم اليوم ... ودمعها من السمه يكطر
وحزنان الشجر شفته ... بألم أغصانه تتكســــر
ومفجوعه الأرض هليوم ....ووجها بلوعه يتفطر
نجوم الليل ... تصيح الويل ... على من سمه وتجسر
*******************
بسجن اظلم صدك خلوك ... وعلى باب السجن ملعون
صدك طكك على وجهك ... أبن شاهك يســيد الكــون
صدك رجلك يرضها الكيد ... وناحل جسمك ومطعون
لصيحن دوم ... على المظلوم ... ودمه عيني دمعها يخر
***********
صدك يالكاظم يسموك ............. ويكطع جبدتك سمك
وتنازع وحدك بغربه .............. ولا واحد حضر يمك
بسجن أظلم ولا بيه نور ........... ويزيد أكثر بعد همك
السجن والهم ...... ونار السم ........ تزيد ابكلبك وتسعر
************
حماميل أربعه يشيعوك .............. وينادي عليك المنادي
أمام الرافضه ميت ............... ويصدح صوته بالوادي
كضه نحبه رغم أنفه .................. ويكطع صوته بفادي
الكاظم مات ...... وهل دمعات ........ وصيحن وينه الينغر
***************
من نادو على المسموم ............... سمع سلمان إبن عمه
من العسكر خذه جثته .............. عليه مــن حركه دمــه
يريد أيغسله ويجفنــه .................. وياخـذ ثاره كل همــه
عليه يحوم ....... لكاه مسموم ........ أويلي عل البكه بالحر
*************
ياويلي على العطشان ................... محـد غسلـه وشــالـــه
ثلث تيام عل الغبره ................... بالطف مرمي ورمـالــه
وراسه عل الرمح مرفوع ................ وصدره ترضه خياله
تذوب أكلوب ....... على المسلوب ....... عليه من دارت العسكر
************
ابوتكتم الخير
قاسم طاهر القاسمي ( 21 /6 / 1433 )
أصيح بلوعه وتحسر ... يبن جعفر ... يبن جعفر
العرض العادي
