[ابو ياسر الكعبي]

الله الله عليك يا سيد زكي
لك التفاتة مذهلة

تحياتي ومحبّتي

[ابو ياسر الكعبي]

ماينكر عشِرته الوجع وي الأه
بس الأه عن الوجع مشغوله

!!

[ابو ياسر الكعبي]

أوجاعك زكي ما تشبه الأوجاع

نبتتها ابضمير الحزن مغروسه

إلها اشموس تتماطر دمع وهموم

وآه .. امن الوجع من تمطر اشموسه ..!

[الروح]

أوجاعي غدت قمصان وهدوم
وانا العريان من ضيم المحطات
اسافر وارجع لدربونة اهلي
وألآكي امي تخيط جروح بالذات
وذاتي تشككت من طعن الأصحاب
ولامنهم صديق الشكف طعنات
انا جروحي زمن ماله تعابير
وانا الي من القهر اسكي العذابات
خلص ياربي ياريتك تردني
وعلى تراب النجف نكضي المسافات

[سفينة البحار]

انه جروحي سفر بس سفرة احباب
لان مابينهن اكبر علاقـــــــــــــــــه
جمعهن جف غدر ما بين الضلوع
وعلى الاغمك بدت رحلت سباقه
يضحكن من طبعهن موش تكليف
ويملكن لو حجن حس ولياقـــــه
يعرفن حالهن بس دون جلمات
مثلهن ياهو يتملك لباقــــــــــــه
دورت اشكثر عن بشر وفاي
اشو ياهو التلزمه يفح نفاقـــــه
بس جرحي وفالي وبيه ماخان
وعقدت ويه الجرح اجمل صداقه

[زكي الياسري]

الاحبة المبدعين
اوجاعكم كنمير عذب
يروي ضمأ الروح .. في رمضاء الالم
تحية لكم و للعزيز صاحب المبادرة المبدع ابو ياسر الكعبي


إذا بالذكريات اتسافــــــــــر الروح
تصير العين مـــــــن الشوكَـ شمعة
تذوب بكل نـَـفـَــس وي شوغة الآه
و تنزل علوجــــن دمعة اعله دمعة

[الروح]

عذاباتُ هذه الحروف تُلجم حرفي
سفينة النجاة و الياسري

أبدعتما
أنحني لهذا الألم

[زكي الياسري]

بالعكس يا مُبدعة
بين طيات حروفكم نقرأ الالم الصادِق
و الشوق لها دائم

[زكي الياسري]

اقتباس : المشاركة الأصلية كتبت بواسطة ابو ياسر الكعبي [ مشاهدة المشاركة ]

اقتباس : المشاركة الأصلية كتبت بواسطة ابو ياسر الكعبي [ مشاهدة المشاركة ]

أوجاعك زكي ما تشبه الأوجاع نبتتها ابضمير الحزن مغروسه إلها اشموس تتماطر دمع وهموم وآه .. امن الوجع من تمطر اشموسه ..!

واوجاعك كَمر و الكَمر كوكـــــــب نور
عليه اوجاع شمس اجروحي معكوسه
بل جرحك ثغر يعشكَـ اشفـــــــــاف الآه
لذلك كل دقيقــــــــــــة اتدنــِّـكَـ اتبـوسه

تحية بقدرالابداع لكم يا فرسان القوافي

[آمال يوسف]

اللهم صل على محمد وآل محمد
السلام عليكم ورحمة الله وبركاته
أخي العزيز .. ابو ياسر الكعبي

مبدع بحق بصراحه هوايه عجبني موضوعك كل مادخلت
ع المنتدى لازم أدخل مكان أبداعك..

لـــ أعيش أوجاعكم ؟؟

أخواني الأعزاء -

كريم السعبري - ارسطو طاليس - نزار الفرج - زكي الياسري

أبوتكتم الخير - أبوظاهر البركي - سفينة البحار

رياض رسل -

أختي الغاليه - الروح

الله الله

ماشــــــاءالله أبداااااع كل وجع يحمل وجع أكثر

راح أتابع أوجاعكم والقلب يدعولكم

أعتذر .. ؟
إذا كان وجودي غلط؟

أختكم آمــــــال