[عادل الناجي]

بسم الله الرحمن الرحيم

• الناس معادن وللمعادن خواص
  
  ناس قيمتها صفيح وناس قيمتها نحاس
  
  وناس تانية قيمتها حديد وغيرها قيمتها ماس
  
  منها الرخيص والغالى
  
  ومنها الواقعى والخيالى
  
  ومنها اللى بالدنيا غير مبالى
  
  وتفضل الناس معادن
  
  منها اللى على اللهب يسيح
  
  ومنها اللى على الحجر يتكسر وقيمتة تضيع
  
  ومنها القوى الصلب وعمر شدتة فى الهوا تروح وتطير
  
  ودايما للناس خواص
  
  فيهم قلب حديد وفيهم قلب ازاز
  
  فيهم قوى شديد وفيهم اللى بيقول للصعب خلاص
  
  ناس تقلها دهب وناس ولا تسوى حتى ازاز
  
  وناس قلبها فضة وناس تانية عملة قلبها للناس مداس
  
  والناس اشكال
  
  دا بيتشكل بسرعة ودا عمره ما يتغير
  
  ودا شكله سهل والتانى امره يحير
  
  والتانى شكله جميل ولا فى الدنيا لشكله مثيل
  
  طيب كريم شجاع وامير
  
  لكن الحقيقة تلاقيه من نفس شكله انواع
  
  جشع خيانة نفاق واهانة , وفى الاخر هو زى الجير
  
  وفيهم مؤمن وقلبه خاشع, لربه يروح وبيته الجامع
  
  وتلاقيه فى الاخر مجرد كلام , لا ايمان ولا صلاة ولا حتى صيام
  
  والماس تقول وتعيد وتزيد , وتقول عنه كلام جميل وتزيد فى المديح
  
  وتلاقى الاخ من نوع الصفيح
  
  وناس تانية يتوزن لها الدهب
  
  قوة وجمال صلابة واعتدال
  
  قلب صافى وحب دافى
  
  فيهم الكلام حقيقة وليس خيال
  
  ناس قلبها حديد واخلاقها ماس
  
  ملمسها فضة وجوهرها نحاس
  
  ناس فى العشق اميرة وفى الوعد اصيلة
  
  وفى الاخر نقول ونقول
  
  الناس معادن.. وللمعادن خواص
  
  للناس عيون ورب الناس علام الغيوب
  
  ولكل الناس تعرف نوعها
  
  صفيح هى ؟ ولا ماس؟
  
  والناس معادن وللمعادن خواص

******************************************
*******************************
***********************
****************
********
****
**
*
تحياتي
عادل الناجي

[الهاشمية تاج الملوك]

كل عام وأنتم بخير بقدوم شهر رمضان شهر الرحمة والغفران ،،
ونــسألكم الزيـــــارة إن إستطعتم ،،
مشكـــــــوووووووور خــــيووووو علطـــرح القيم ،،
الله يعطيك العافية ،،
ووفقك الله لعمل كل خـــــير ،،
تــقــــبل مــــرورنا الكــــريم ،،
إختك في الله / الهاشمــــــــية تاج المـلوك