تلك المزرعه التي رحلنا اليها في يوم الخميس
منذُ اسبوعين تقريباً
كانت رحلة جميلة عزابية كما يقولون الشباب
بس هالمره بس بنوتاااات و معانا اهلينا طبعا
انا ما كنت متحمسة للروحه لأني حلمت ان رحنا المزرعه و ماتت وحده
فخفت اروح و ماتحمست للروحه
بس بعدين على ليلة الخميس تحمست
و على الفجر قررت قرار نهائي
و قمت عبيت اغراضي دقيقتين
و نمت صحيت على ثمان و نص
و قمت اجهز و انتظرنا صديقتي اختي تجي
و ركبنا السيارة و مشينا
و رحنا نبحث عن المزرعه بين المزارع لين لقيناها
وصلنا و سلمنا على الجماعه
و كانوا يفطروا
جلست اكل شوي
كان افطور جبن و خبز و زيتون اسود و اخضر
و فول و عدس و فيمتو ^_^
فطرت على خفيف
و قمت اسبح متحمسه
و هذي شكل العين ^_^
حلوو لون الماء و الامواج
سبحت شوي و ما كان فيه غير بنت عمتوو و نسيبتها
و ما كان فيني طاقة لأني ما فطرت زين و اكلتي من الليل
فقررت اقوم
و قمت و جلسنا شوي على ما اذن صليت و اخذت كاميرتي و صرت اصور في المزرعه
رغم اشعة الشمس ^_~
كان في قطة حبيت اصورها بس ما بانت واضحه
و هذا ممر يحوي شجرة العنب بثمارها
بصراحة عجبني بقوهـ
العرض الشجري