[ايمان حسيني]

سلااااااااام عليكم
طبعا تحياتي لحبيبتي كاتبة الموضوع
لان خلت صفحه نكدر نعرف بيهه كيف الاعضاء يقضون يومهم
وشكرا لسلوى حبيبتي لان اختارتني
اني ايامي متتشابه
كل يوم يختلف عن الثاني بس اكو رابط عجيب
(مثل سبيس تون الرابط العجيب )
تعرفوه؟؟اني اعرفه واتابعهه هههه نونو
اي ارجع..
الرابط انه كل ايام مشتركه بالروتين والملل
والضوجه
اني خريجه هذي السنه الرابعه بس بلا وظيفه
لذا فضلت اكعد بالبيت على ان اختار وظيفه مترهمني
اكعد الصبح بالقوه طبعا 11او10ونص
اتريك بالقوه لان مابيه حيل امضغ الاكل لان كلش متعاجزه:confused:
بعدين ابدي شغل على الخفيف مطالب ابويه وامي
بعدين شويه ساعه عالنت
وراه اروح لهنا تبدي ساعة الجد
ابدي اشتغل بالتنظيف مال البيت
وماشاءالله يوميه تراب وعجاج ويوميه تنظيف ويوميه
ظهري مكسور
وراه ابدي اصلي واتغده
طبعا اني اتاخر بالغده
العصر يصير الغده مالتي
وبعدين العصر نكعد كلنه نشرب جاي واموت على الجاي العصر
ويه اهلي امي واخواتي وزوجات اخويه
بعدين اكعد عالنت شويه للمغرب
اسده اصلي واتعشه واذا النت ممشغول اكعد شويه اذا مشغول لا اضطر اشوف تلفزيون
طبعا خلال اليوم اضحك ويه خواتي واتشاقه ونحجي شصار باليوم كله
او العب ويه اولاد اخويه
يعني ماكوشي مميز بيومي عادي
مرات تلكوني نشطه واشتغل وانظف ومرات لا اصير متعاجزه ولاشي اسوي مثل هالمده اللي داامر بيهه عندي خمول موطبيعي وعجز موطبيعي
ليش مااعرف:confused:
مممممممم
مااعرف بعد شنو اكول عن يومي؟!!
بعدين بالليل لحد متنطفي الشبكه اني اعوف النت
بحدود 2ونص وبعدين انام
ب3مساءاا
عفوا فجرا
اذا لاحظتوا ماكوللصديقات وجود بحياتي لان كلهم صارو بجهه
ناس بغير محافظه وناس يمي بس مشغولين بحياتهم امهات وعدهم بيبي
واني نفسي بعد مااعرف شلون اتفاهم وياهم لان احاديثهم
كله عن الاولاد وشلون ينام وشلون يبجي
يعني فقدنه لعنصر التواصل
واي استفسار عن يومي اتفضلوا
:p;)