[ابن المدينة 2009]

من غيرك .. إنته !!

ماي بلا عطش ما ينحسب ماي

ويحلى هواي يحلى شما عطشته

ألكه منـين مثلك يشـبه الماي

وأجيبه منين بالله اليحجي سكته

تعـال وخل أكحّل عين الأيام

وأرد إعله الكِحِل وامسح كحلته

تعال وخل أحطَّن للشمس لون

وأرجِّـع للكـمر منّـك ثلمـته

تسـودن كلبي ما يعقل بليّاك

ودكتَه تغيَّـرَت مو ذيـجه دكتَه

فُطَمتَه اتوَرّطِت مايصبر عليك

عليـك اتنـدَّمِت لمَّـن فطـمته

من طولك خذت مايكفي العيون

هسـَّه تريـد تعـتب عالأخـذتَه

إعتب عالذهب والفضّه والماس

واليـاقـوت أخَـذ منَّـك لمـعته

جي مشتاق إلك سمّوني مجنون

والمجـنون أعقـل مـنّي شـفته

أبوسن بالهوه المِن بيـتكم جاي

ولو ينشـبك صدِّك جا شبكته

أصفن عالبحر من يصفن أرتاح

يمـكن جي لأن تشـبه صفنتك

على الحب العَفَه لو ما أراضيك

ويعذرني الفرح شلَِي بضحكته

مو كلمن يصـفِّك يعني مرتاح

أكو بنص الحزن تسمع صفكته

بيَّه الصوج أدري وآنه غلطان

ولازم عالغـلط يدفـع غلطته

إنته الماي عنـدي شلون أبدّيك

لصَّـدِّك أعيـش بـلايه إنـته

تحياتي لكم

[عاشقة النجف]

مشاركه جميله اخي الكريم بارك الله بكم
لكن ان كانت من كتاباتكم اتمنى منكم ان تذيلوها بكلمة بقلمي
وان لم تكن لكم لحفظ الحقوق ذيلوها بمنقول ..
هذا وبالتوفيق دوما ,,

[نور المستوحشين]

ابيات راائعة أخي الكريم...

بانتظار المزيد من مشاركاتك


الرجاء ذكر مصدر الابيات هل هي لكم ام منقولة

تحياااتي نور...