[زهرة الفردوس]

رد الميمون يا عمه للخيم
اقبل من الميدان خالي يسحب العنان
----------------

يقرآن ابكــــــل آية موصوف غريب وحاطت حولك الصفوف
قرينا امصابك ساعة الطفوف وعــــين الهادي تعاين وتشوف

سلام الله بروحـك يضـمدها اجروحك دموع الكــونالجرية
يمن تروي الجنان اسف تبقى عطشان على حــــر الغاضرية

وصل يم الصيوان خالي يسحب العنان
----------------

وحيد وحاطــــــــت بيك الآلاف يكعبة وطافت عدها الأسياف
اشوفك عرش وحولك الاطياف وقع من برجه وجاه السياف

ينور الله السامي يمعــراجه الدامي تظل مرمي اعلى الوطية
يمن باسمه دارت هالأفلاك وسارت عجــــــــب بالغبره رمية

جانه يخبر الحصان خالي يسحب العنان
----------------

وقع عن مهره احسين إبالتراب وقلب الكون إبآهاتــــــه ذاب
وقلب الهـــــادي صابه الصواب سهم ومثلث يوم إنه انصاب

وقع عن مهره حسين وقام ايديـــر العين وكل ايتامه تشوفه
وجه مهـــره يمــــــه صبغ شعره ابدمه ولا هو رايد يعوفه

ماخذ دمه عنوان خالي يسحب العنان
----------------

رسول الله ابعينك آماله كتـــــــاب الله روحك اوصاله
شفيع الكون وهذا حاله يدوسه الطاغي اشلون بنعاله

يرحمه ابهالعالم سرت من هالعالم ينــــــسمة رب البرية
يعرش الله الدايم على الغــبره نايم تدوس اعليك اعوجية

مهرك دامي وحيران خالي يسحب العنان
----------------