[البحرانية]

يا هلا والف سهلا فيكم اخوات

اسفرت وانورت ..... اخيرا سمعنا صوووت

شيعية موالية الف سهلا فيك والله يعطيك الف عافية وصحة ياااارب

اني بخير بس امتحانات اولادي شاغلتني هالايام واليوم وبكرة اجازة قلت اخذ راحتي شوي في المنتدى مدام هم نايميين

عندك حق اختي ربيعية هالايام ما ينشافون الربع ماادري ليش ؟؟

ممكن ملوا من الحجي ههههههه مع ان النسوان موتتهم الحجي قتليهم اذا قلتي لهم سكتوا خخخخ

هلا نورالمستوحشين زين لحقنا عليك قبل ما تختفي بعد

اما عن التوئم لا خليهم لك ,, ياااارب يعطيك ثلاث سنوااات كل سنة توئمين خخخخ

اني مافيني شدة عليهم ,, كفاية الي عندي هههههه

ابوهم يبغى بعد واحد واني بعد مافيني قوة عجزت ..

لكن لما يكتب الينا بتوئم بعطيك اياهم تربينهم ولما يكبروا رجعيهم

يالله طولت عليكم بهدرتي ويدي ثلجت من البرد ههه

[نور المستوحشين]

هههههههههه ام حسن بالعكس يجننو التوائم تلبسيهم نفس بعض

وهم نفس بعض و و وتستانسي لما يتلخبطو فيهم الناس وانتي بكل فخر تميزي بينهم ياعلي ميداليات مو جهال يجننو حياة النبي

شفتي خليتيني اشرك شرك اكبر حلفت بالنبي هههههههههه

والله من اشوف توائم في السوق مثل المصفعة اللي يقول ماشافت جهال واذا بشتري شغلة الى زهور انقهر واتركها

اقول نفسي اتعب واني ادور من نفس الشغلة 2 نفس اللون نفس المقاس

شكلي غاوية مخاسير خخخخخخخخخخخ


تحياتي نور...

[ربيعيه]

اختي نور الله يرزقك ان شاء الله بتوائم

اني احب اشوف توائم البنات وهم لابسين مثل بعض ومشطين مثل بعض

لكن مره شفت وحده بناتها توائم وكانو صغار ملبسه كل وحده شكل ثاني انقهرت وكان نفسي اكلم الام :mad:

ليش ماتخليهم مثل بعض لكن مسكت لساني لكن ما اتوقع عندي قوه اربي توائم مع ان امي جابت توائم بنات

وعمتي ام زوجي هم جابت توائم اولاد

[ربيعيه]

اختي البحرينيه تمللنا من كثر مانسال عن الاخوات لكن ماينعرف شنهو السبب كلهم غياب مره وحده

اختي ام وحيده مايفتح عندهم المنتدى

[أم جود]

السلام عليكم ..
اخباركم ؟؟

نور المستوحشين ولا تحطي بخاطرش ولا شي اذا ماحد عبرش تحصل عااادي اشوف الكل مو موجود ولا احد ابدااااااااا كله من البرد شكله ..

احنا الليله اخر شي اشتراك الانترنت ومايندرى متى ابو جود يروح يجدد الاشتراك ..

نرااكم

[نور المستوحشين]

اقتباس : المشاركة الأصلية كتبت بواسطة أم جود [ مشاهدة المشاركة ]

السلام عليكم .. اخباركم ؟؟ نور المستوحشين ولا تحطي بخاطرش ولا شي اذا ماحد عبرش تحصل عااادي اشوف الكل مو موجود ولا احد ابدااااااااا كله من البرد شكله .. احنا الليله اخر شي اشتراك الانترنت ومايندرى متى ابو جود يروح يجدد الاشتراك .. نرااكم

وعليكم السلام والرحمة ...

عادي ماحد مجبور بس ساعات انقهر جاية واهذر و و و وتالي يجو ويسلمو ويردو على ناس قبلي بكم صفحة او حتى قبل ردي

بذمتش مو يقهر ... اني بصراحة قلت لابدخل هالديوانية ولا شي ياكثر الديوانيات اللي بالمنتدى

بصراحة كلهم يتمنو اني اشارك معهم وحتى ديوانية الشباب بلبس مشمر وبروح اسولف وياهم ولاديوانيتكم هههههههههه

يلا الله المستعان

وان شاء الله يرجع النت لكم بسرعة

تحياتي نور...