[ملا كاظم الخفاجي]

رديت انه الحين ***************** من اليسر يحسين
رديت ودموعي تهل من عيني ** يحسين ياخويه اگعد او حاچیني
***********************
جيتك يخويه امن الاسر * امحمله اهوايه هموم
جيتك اسولفلك علي * من عفتك الهذا اليوم
من ساعة البيها طحت * وبگیت انه یامظلوم
عالغبره انظر بس جثث * ونهار سيل امن ادموم
عگبك تدري اشصار ** من شعلوها النار
لليوم تسعر بالگلب تچویني ** يحسين ياخويه اگعد او حاچیني
**********************
وبلحظة البيها اوگعت * مابگت عندي امن ارجال
بس العليل اويه المرض * والحرم ظلت وطفال
والطاغي صاح ابعسكره * حرگوها إخيام الآل
لافكر ظل عندي وراي * حرمه إو مشدوهة بال
وين امشي لاوين ** محتاره يحسين
انشدمن اوياهو الذي ايدليني ** يحسين ياخويه اگعد او حاچیني
**********************
ياخويه مابيهم ابد * ظل واحد اوبي رحمة
اويذكر الهادي المصطفى * من وصى بينه الامه
انكروا كل ذاك الحچي * وعلينه صاروا نقمه
هدروا عگب حيدر علي * لحسين هدروا دمه
نار اوسيف او خيل ** اوكلها اتصيح الويل
وانه وحيده اوماكو من يحميني ** يحسين ياخويه اگعد او حاچیني
*********************
شحچي او شخبرك بالجره * بالغاضريه او بالشام
إعلينه يوم اتحالفوا * اوخلوا اعيالك ايتام
اوصرت اني بعدك حارسه * وسهر ليالي اومانام
اتمنيت يحضر حيدره * البطل ذاك الضرغام
لو حاضر اوياي ** حيدر الحماي
ماچان واحد يوصل اوياذيني ** يحسين ياخويه اگعد او حاچیني
*********************
زينب انه بت حيدره * بت افضل او خير الناس
بنت الزچيه الطاهره * للبشر تاج اعله الراس
وحسين اخوي او ضنوتي * راعي الشرف والنوماس
والفحل كافل محملي * نعم الإخوًه إبعباس
تاليتي للشام ** اوصل الظلام
وبنك يضربوا وانه اشوف ابعيني** يحسين ياخويه اگعد او حاچیيني
&&&&&&&&&&&&&&&&&&&&&