[ملا كاظم الخفاجي]

ضحيت الك ضي الـــعين * بس لاتسافر يحســــــين
ياشمعتي او نـــور البيت * بولادي كلهم ضـــــحيت
بس لاتسافر يحسين

*******************

ساهرت يوليدي اشكثر * اوماچان تغمضلی العین

من چنت یابعد الگلب * تمرض اشوفك یحـــــسین
انحب لون اسمع تون * ولطم وجرح الخدیـــــــــن
ورتاح انی ابشوفتك * من تشفه یبن الطـــــــــیبین
تذكرني من باريتك ** ومن الچبد غذيتك
يل عفته يابعد الروح * من عندي ميهم شيروح
بس لاتسافر يحسين
********************
باريتك ابدمعه اوألم * باريتك ابعمري الــــــراح
بس كون اشوفك يالگلب * ماأهتم الكــل اجراح
ظميتك التالي العمر * ذخري گلت بیك ارتــــاح
تالي الدهر بيً اشعمل * هل سهمه بگليبي لاح
بالأربعه ضحيتك ** اولو اگدر انی اشریتك
ياأغلى من كل غالي * فدوه الك وي دلالي
بس لاتسافر يحسين
******************
الحادي من سار اومشه * ومشــــيت وياه انته
تدري اشعملت ابروحتك * سـباح گلبي اشلعته
ظــليت اصبًر بالروح * وگلیبــــي هــم صبًرته
كــل يــوم اگولن هل یوم *گربت تراهــي جيته
لو مارحت ياريتك ** تدري اشكثر تانيتك
لوبيدي چارحت اویاك * صرت الدرع عن اعداك
بس لاتسافر يحسين
******************
عالدرب صرت اتنطرك * انشد الرايح والجاي
مذهوله ماشوفن بعد * لافـــكر عندي اولاراي
تيهت دربي ابمحنتي * وظـــلمت عگبك دنياي
ظليت بس الطم ودگ * وتنوح بنتك ويــــــاي
مايوم ابد ونسيتك ** وسط الگلب خليتك
ابحبي الك مايدرون * يحسين الك كلشي ايهون
بس لاتسافر يحسين
*******************
يل عشت عمري ابخدمتك * يل چنت دوم اگبالي
ماظن بعد ترجع الي * خيبت ليش آمــــــــــــالي
اشتاگ من چنت اویاي * يل ماغبت من بالــــي
اشلون يوليدي ارحلت * يللي اشلعت دلالـــــي
ماأدري انه ابنيتك ** تتركني ماظنيتك
يادمي يل بالشريان * فدوه الك كل الشبان
بس لاتسافر يحسين
*******************
من عگب ماچنت انتظر * ردت لي زينب بايتـــام
من عيني ماشافت علي * ابساع الگلب مني هام
گلتلها دحچیلي اشجره * شعملت بيچ الایــــــــام
احچیلي عن ماي العين * گالتلي مليان اســــهام
ريت الاسهام الچبدتي * ولگلبي من عدهن سام
لو چان بیدي افديتك ** يل ماتعود البيتك
مني رحت يامظلوم * ياريت ماعيشن يوم
بس لاتسافر يحسين
*****************
يحسين يابعد الچبد * بالاربعه انه افــــدیت
لنك يسباح الگلب * انته الاهل ونته الــبیت
یحسین چانت منیتي * بولادي لمن ضحيت
سالم ترد انته الي اوبيهم ابد ماهـــــــــميت
يحسين شنهو اولادي ** ياأغله من افادي
لو عندي منهم ميه * إيهونون والله اعليه
بس لاتسافر يحسين