[عاشقة الاطهار]

....
المرحوم

ابو دانة : عبدالله محفوظ

هاليله شفتك طيف يم عتابي
واقف على الذكرى تناظر بابي

شفتك على اعتاب السكون
والنظره نفس النظره
والبسمه شجون

ناديتك بروحي
وصوتي منخفت
عبد الله
لعيوني
ألتفت
عبد الله
لعيوني التفت

قلبي يون
حالي يفت
جيتك
فتحت الباب
ظلك ماشفت
جيتك
فتحت الباب
وبكفي دوا

هاك الدوا
يشفي الألم من مهجتك
ويرد لي نور رويحتك
ترجع لي ولعمري ضوا
ولباقي أيامي سند
جيتك فتحت الباب
مارد لي أحد
لكن دفا روحك
يضوي بالمكان
وعيونك الـ ترعاني
من ظلم الزمان
وعيونك الدانة
تضوي ظلمتي
ولو مرّة ...حيراته
تهّون حيرتي

جيتك فتحت الباب
ماغير السكون
والعتمه في روحي
تسايل
من أكون
شفتك ابلحظه
و كان في قلبي حكي
ودّيت أركض لك
وما شدني المشي
قلت أصرخ أبأسمك
وصوتي ماوفى
قلت أرفع أكفوفي
وعزمي ما كفى
قلت أرفع أشفاف القلب
وأصرخ تعال
يمكن ترد لي
حتى لو طيف بخيال

تحكي لي عن معنى الرحيل
تروي لي عن سر السفر
في ليله ظلما
ماوفى فيها االقمر
رد لي ولو لحظه
و وضح لي الخبر
خبّرني عن
سر السفر
رد لي تراني أعرفك
طيّب حنون

رد لي و عود الـ دانتك
وامسح عليها بنظرتك
رد لي و طيّب خاطري
ياطيف ماظنّه
يفارق ناظري
مهما يكون



الليله شفتك طيف يم عتابي
واقف على الذكرى تناظر بابي
في لحظه
شفتك مار
بعتاب السكون
والنظره نفس النظره
والبسمه شجون

بقلم الشاعر : خليل ابراهيم

رحم الله من قرأ له الفاتحة
والدعاء