شعر ذا حنان وشوق للديرة
وتصميمان
ياليت ينال لشئ من استحسانكم
الله ياديرة هلي يا الماكو مثلج ديرة الله ياجيراننة اهل الوفا والغيرة
الله ياديرة هلي يا البيج شفت الراحة الله ياذاك النخل لو حل وكت سباحة
الله يا ذاك العنب يه مدلي ابسباحة والخوخ المدد واشم ذاك الورد وارياحة
الله يه موجات النهر مده ويزر رواحه شذكر ايام المضت اعبر الشط اسباحة
واسمع الطير على الشجر يشجي ويرف بجناحه واسمع البلبول الصبح يشفي الكلب بصفيرة
الله ياديرة هلي ياالماكو مثلج ديره
الله ياديرة هلي ياالبيج نمرح جنة يا الريحتج ريحة ورد يوري الكلب يشفنة
الله يا سعف النخل شمرة ذوايب جنة والبرحي المدلي الرطب يشبه اثمار الجنة
والماي يجري من الصبح يسكي الورد والحنة الله يا طير السعد وجه الفجر لو غنه
يفتره كلبي وافتخر واتذك ر واتمنه كل مسلم يعيش بهنا وكل وكت يكثر خيرة
الله يا ديرة هلي ياالماكو مثلج ديرة
الله يا ديرة هلي عندي اشكثر محبوبة يه الجنتي حرة امخدره ومن الخطر محجوبه
الله يا مضيف اليسر كلب اللي يجبل صوبه يلكه الدلال مسطرة بوياغها ومنصوبه
والهاون يرن الصبح كل يوم عندنه نوبه واطفالنه بذاك الصبح متونسه تلعب طوبه
وبليل نلتم عل كمر نلعب لعب طفيرة
الله يا ديرة هلي ياالماكو مثلج ديره
الله يا ذاك النهر بي جنت اذب هياله امرار وي طرت الفجر انزل وبيدي الفاله
الكه الشباب اعلى النهر كلمن وشبجه احذاله واتعنه للمده تجي والنهر نتعناله
بالمدة يتعده السمج الله اليعرف اشكاله برزم، شبوط وشعم والبني وجنداله
ونصيد لوعله الوكت كلمن يرد لعياله فرحان ومحمل سمج ونفض على اهل الديره
الله يا ديرة هلي ياالماكو مثلج ديره
الله يا ديرة هلي ام الخير من شفناها الله ياديرة هلي يا البالوفه اعرفناها
الله يا ديرة هلي بارواحنه اشريناها الله يا ديره شكثر شبان ضحيناها
الله لو تدري الارض من دمنه حنيناها الله ياديره هلي يالمن غصب عفناها
غصباعليه مفاركج فيتج عليه اجبيره
الله يا ديرة هلي ياالماكو مثلج ديره
الله يا ديرة هلي الله يصيبه الصابج الله ياديرة هلي فدوا رحت لترابج
الله يا ديرة هلي والله من اشيل اعتابج اتذكر ايام المضت والشجر ذاك الشابج
تعتبين حكج والنبي يصعب عليه اعتابج ضليتي ظلمه وخاليه آه واتفركت احبابج
والله من اشوفج خاليه كلبي يزيد ازفيره
والله ياديرة هلي ياالماكو مثلج ديره
ملاحظة
رسمة التصميم الاول وجدتها بالنت
الرسمتين بالتصميم الثاني للرسامه العراقيه انسام سامي
الله ياديرة هلي -تصميمان - مع قصيدة شعر
العرض العادي
