بسم الله الرحمن الرحيم
وبه تعالى نستعين
انقل لكم اخوتي الكرام قصيدة رائع للشاعر الكبير الاديب المبدع الاستاذ ماجد العقابي شاعر المقاومة العراقية ولقد قالها في ذكرى الاولى للاحتلال الكافر على عراقنا الجريح في ساحة الفردوس
وهي
الصدري العراقي
غيبوني وصوتي باقي هذا انا الصدري العراقي
ابقى اصيح انا عراقي ابقىحتى اخر نفس
انتهى درس المفخخ انتهى ودك الجرس
خمسة وثلاثين مرة بيه جم صوت انحبس
هس الله انعم علينه وكربلاء صارت بأدينه
ها يا ربان السفينة ابحر وعوف السواقي
غيبوني وصوتي باقي هذا انا الصدري العراقي
احنه من حقنه نطالب بالكرامة والسكن
حتى نشعر ياحكومة بهالوطن عدنه وطن
ياعراقي البره العايش انت بره الى يا زمن
ياله ياخوية لعراقك ارجع بكل اشتياقك
قلبي ما يحمل فراقك شلون تتحمل فراقي
غيبوني وصوتي باقي هذا انا الصدري العراقي
ها الوطن مو ملك واحد هالوطن ملك الشعب
احنه خوان وحبايب ترك واكراد وعرب
احنه شيعة وسنه شيعة بالدم اختلقنه وبالنسب
فاذا هاليوم باجر لازم المحتل يغادر
بالرصاص وقلم شاعر اشددت صوتي و نطاقي
قصيدة رائعة للشاعر المبدع الاديب ماجد العقابي
العرض العادي
