[بغدادي]

ياقطار العيد
والدخان عالبدلة كحل
يسجدلة رمشي

ياقطاري وامشي بيك
شما صدى الألأت يمشي
غني جاي الندة يغني

والعصافير أربعين
واحنه من كثر المحبة
صرنه طيرة وغصن تين
....يا سعادتنه وسعدنه
ياطعم شمس الحنين
ياالمسافاتك الدنيه

اشموس بيك امسافرين
ها..أهه ... ولنك ابونه

والمحطات اربعين
ها...هه التاريخ كله

بدفتر أيامك رقم
واحسد اعيوني امن اشوفك
طول كاع الله حلم
بيك اشم ريحة الوثبة

وشمس كردستان
والجبهة وفلاليح الوطن نجمة سلم

نخلة وبفيها يشيل اطفالنه طيور السلم
كامرات اعيونك انته
وجمعت الدنية ابفلم

ياقطار العيد الملم عرك وجهي
واجمع اسوالف اطفالي
ويذبل بعيني نعاسي

وبين جاكوجي أوبدلتي
نزلن اطراف الكصايب
شالن الورقة اعلى راسي

أو وقعن كل العراقيات
للمراه
ملك نص الشمس والكاع
والثروات... والحــــب..... والجـــــناسي

[عاشقة النجف]

اقتباس :

وبين جاكوجي أوبدلتي نزلن اطراف الكصايب شالن الورقة اعلى راسي أو وقعن كل العراقيات للمراه ملك نص الشمس والكاع والثروات... والحــــب..... والجـــــناسي

كلمات ولا ارووووووع
قصيدة لم تنل اعجابي فقط
بل حازت على كل الرضا
بارك الله بك اخي
لكن لطفا لو ذكرت اسم صاحب القصيده
واكون لك ممتنه
موووفق