[عبدالله خلف العتابي]

لسه اثار جفك واضحه اعله الجود
يراعي الضعن والقران والمصحف

يالحامل رايه حسين فوك النجوم
رايه من الرسول وعنوان بالطف

وسبع من صال ما حملته الشجعان
تاج حيدر مولاي ونعم ما خلف

ولان اصلك ذهب والباقيات اتراب
مادنكت راسك وحاربت بالجف

ملايين البشر نكرت دين الحسين
وانته من كل هاي الملايين اشرف

رايات وزلم اتلملمت بالميدان
وسيفك ياحيد بالميدان ماجف

ياسبع الكنطره البجفوفه اتطيح
اركاب الزلم واجفوفك بعد مصحف

كلبي اعله الكمر مادام بيه دكات
ودكاتك يا كلبي اشلون تتوقف

دمعه البلعين هليتهه امن اسنين
الجانت بالعيون وياك تتشرف

معذور اليودك لو مات حزنان
يالجفك حرم كعبه وصولتك اشرف

ويا اجمل اسم ناداك حيدر بيه
كمر هاشم صاح بالعدوان وهتف

يبن حيدر علي الما خيب الامال
واريدك بالضعينه اليوم تتكلف

يبن ذاك الشجاع اجيت اليوم انخاك
واريدك بالعطاشه اليوم تتلطف

انه ابروحي الذنوب اتسيل منهه اذنوب
وذنوبي اليوم ابحضرتك تتنظف
ــــــــــــــــــــــــــ
بقلمي خادم اهل البيت(ع)
(عبدالله العتابي)

[عبدالله خلف العتابي]

حبيبي ياقمر العشيره
واقول
حبست رجائي عن كل ظالم_ وانزلت في قمر العشيرة رجائي
بقلمي
خادمكم
الصغير

[البدري14]

موفق وجزاك الله الجنة
تقبل مروري بود

[جعفر المندلاوي]

السلام على تلك الكفوف التي ستكون للزهراء معها يوم القيامة موقفا يشجي الخلائق ..
السلام على كفيل العقيلة ورحمة الله وبركاته
بارك الله فيك اخي عبدالله واحسن الله لك الجزاء
مودتي وسلامي

[*أحمد الكعبي*]

وفقك الله أخ عبدالله وجزاك خيرا أحسنت

[عبدالله خلف العتابي]

السلام عليكم
الشاعر جعفر المندلاوي والغالي احمد الكعبي
والمبدع البدري 14 مروركم زادني شرفا ولكم
تحياتي واحترامي
تلميذكم المبتدا
عبدالله العتابي